قازىر نۇر-سۇلتان قالاسىندا ءبىر شىركەۋ مەن ءۇش مەشىتتىڭ قۇرىلىسى ءجۇرىپ جاتىر، دەپ حابارلايدى Halyq Uni تىلشىسى.

بۇعان دەيىن الەۋمەتتىك جەلىدە جاعالاۋ اۋدانىندا شىركەۋ سالىنىپ جاتقانى تۋرالى جازبا جاريالاندى. جەلى قولدانۋشىلارى اتالعان اۋداندا مەكتەپ تاپشى ەكەنىن جازعان بولاتىن.

نۇر-سۇلتان قالاسى ءدىن ىستەرى باسقارماسى اتالعان اۋداندا شىركەۋ قۇرىلىسى ءجۇرىپ جاتقانىن راستادى.

- ول شىركەۋدىڭ قۇرىلىسىنا قاجەتتى جەر ۋچاسكەسىن 2018 جىلى العان بولاتىن. قازىر قۇرىلىسى باستالىپ جاتىر. مەملەكەت ەشقاشان دا مەشىتتتىڭ نەمەسە شىركەۋدىڭ قۇرىلىسىن قارجىلاندىرماعان. زاڭ بويىنشا وعان ءدىني بىرلەستىكتەر بولەدى، دەمەۋشى تاۋىپ، قارجىلاندىرادى. مەشىتتەر دە سولاي، مەتسەناتتاردىڭ قارجىسىنا سالىنادى، - دەدى باسقارماداعىلار.

باسقارما مالىمەتىنە سايكەس، قازىر ەلوردادا ءۇش شىركەۋ بار. ەندى ءتورتىنشىسى سالىنعالى جاتىر.

«بۇگىندە پراۆوسلاۆيا باعىتى بويىنشا نۇر-سۇلتان قالاسىندا ءۇش شىركەۋ بار، قازىر ءتورتىنشى شىركەۋ سالىنىپ جاتىر. ودان باسقا شىركەۋلەر سالىنىپ جاتقان جوق. شىركەۋدىڭ جوباسى، قارجىسى مەن قانشا ورىنعا ەسەپتەلگەنى تۋرالى بىزدە اقپارات جوق. باسقارما ول ماسەلەگە ارالاسپايدى»، - دەپ قوستى.

Abai.kz