تۇڭعىش پرەزيدەنتىنىڭ نەمەرە ءىنىسى، ۇقك توراعاسىنىڭ بۇرىنعى ورىنباسارى سامات ءابىش الماتىداعى جەكەمەنشىك اۋرۋحانالاردىڭ بىرىندە ەمدەلىپ جاتىر، دەپ حابارلايدى Orda.kz.

دەرەككوزدىڭ ايتۋىنشا، 16 تامىزدا سامات ءابىش Mercedes-Benz Gelendwagen اۆتوكولىگىمەن الماتىداعى تۇركيالىق كلينيكاعا كەلگەن. ونىڭ سالماق تاستاعانى بايقالادى. ەشكىمنىڭ كومەگىنسىز ءوزى قوزعالادى. الدىن الا بولجام بويىنشا، سامات ءابىش وسى كلينيكاعا كەلىپ ەم قابىلداپ كەتەدى. ول سونداي-اق، عيماراتتىڭ تومەنگى قاباتىندا ورنالاسقان نامازحاناعا دا كىرگەن.

اقپاراتتىق اگەنتتىكتىڭ ءتىلشىسى اتالعان كلينيكاعا بارىپ، سامات ءابىشتى كۇتكەنىمەن، ول ۇيرەنشىكتى ۋاقىتتا كەلمەگەن. دەگەنمەن، كلينيكا قىزمەتكەرلەرىنىڭ ءبىرى نازارباەۆتىڭ ءىنىسىنىڭ ەم قابىلداعانىن جوققا شىعارماعان.

سامات ءابىشتىڭ ناقتى قانداي اۋرۋمەن اۋىرىپ جاتقانى بەلگىسىز.

Abai.kz