مەكتەپ مۇعالىمدەرىنىڭ جالاقىسى وسەدى
مەكتەپ مۇعالىمدەرىنىڭ جالاقىسى كەلەسى جىلدان باستاپ 25 پايىزعا كوتەرىلەدى. بۇل تۋرالى وقۋ-اعارتۋ ءمينيسترى اسحات ايماعامبەتوۆ مالىمدەدى.
ءمينيستردىڭ ايتۋىنشا، بۇعان دەيىن ورتا ءبىلىم بەرۋ مەكەمەلەرىندەگى جالاقى ەلدەگى ورتاشا جالاقىدان تومەن بولعان.
"2019 جىلى ەلىمىزدە ورتاشا جالاقى 168 مىڭ تەڭگە بولسا، مەكتەپ مۇعالىمدەرىنىڭ ورتاشا جالاقىسى 115 مىڭ بولدى.
2022 جىلدىڭ ەكىنشى توقسانىندا ەلىمىزدەگى ورتاشا جالاقى - 312 مىڭ تەڭگەنى قۇراسا، مەكتەپ مۇعالىمدەرىنىڭ ورتاشا جالاقىسى 343 مىڭ تەڭگەنى قۇرادى. كەلەسى جىلعى قاڭتاردان باستاپ ورتا ءبىلىم بەرۋ مەكەمەلەرىندەگى مۇعالىمدەردىڭ جالاقىسى 25 پايىزعا وسەدى",-دەدى مينيستر.
Abai.kz
