Мектеп мұғалімдерінің жалақысы келесі жылдан бастап 25 пайызға көтеріледі. Бұл туралы Оқу-ағарту министрі Асхат Аймағамбетов мәлімдеді.

Министрдің айтуынша, бұған дейін орта білім беру мекемелеріндегі жалақы елдегі орташа жалақыдан төмен болған.

"2019 жылы елімізде орташа жалақы 168 мың теңге болса, мектеп мұғалімдерінің орташа жалақысы 115 мың болды.

2022 жылдың екінші тоқсанында еліміздегі орташа жалақы - 312 мың теңгені құраса, мектеп мұғалімдерінің орташа жалақысы 343 мың теңгені құрады. Келесі жылғы қаңтардан бастап орта білім беру мекемелеріндегі мұғалімдердің жалақысы 25 пайызға өседі",-деді министр.

Abai.kz