قازاقستان 10 قىركۇيەكتەن باستاپ شەتەلگە استىق پەن ۇن شىعارۋعا سالىنعان تىيىمدى الىپ تاستاۋدى كوزدەپ وتىر. بۇل تۋرالى بەيسەنبىدە قازاقستان پرەمەر-ءمينيسترىنىڭ سايتىندا حابارلاندى.

ساۋىردە رەسەي استىق ەكسپورتىن ۋاقىتشا توقتاتقاندىقتان قازاقستان دا استىق پەن ۇندى شەتەلگە شىعارۋدى شەكتەۋگە ءماجبۇر بولدى. ماۋسىم ايىندا قازاقستان تىيىمدى قىركۇيەكتىڭ اياعىنا دەيىن سوزدى.

اۋىل شارۋاشىلىعى مينيسترلىگىنىڭ مالىمەتىنشە، بيىل رەسپۋبليكادا 13 ملن توننادان استام استىق جينالادى دەپ جوسپارلانعان. ۇكىمەت بولجامى ورىندالسا، بيىلعى ءتۇسىم بىلتىرعى كورسەتكىشتەن 12 پايىز ارتىق بولادى. بيلىك ىشكى نارىق سۇرانىسىن 6,5 ملن تونناعا باعالادى.

بۇنىڭ الدىندا قازاقستان شەتەلگە مال ساتۋدى شەكتەگەن. مۇنداي تىيىم 21 قاڭتاردا سالىنىپ، 21 شىلدەگە دەيىن سوزىلعان.

Abai.kz