قازاقستانداعى قازاقتاردىڭ ۇلەسى 2009 جىلدان باستاپ 7,3 پايىزعا ارتقان. بۇل تۋرالى ۇلتتىق ستاتيستيكا بيۋروسى 2021 جىلعى سوڭعى حالىق ساناعىنىڭ قىسقاشا قورىتىندىسىندا كورسەتتى.

حالىقتىڭ ۇلتتىق قۇرامىنا قاتىستى بولىمدە 2009 جىلعى ساناق پەن 2021 جىلعى ساناق ناتيجەلەرى سالىستىرا بەرىلگەن. ەكى ساناق مەرزىمى اراسىندا قازاقتار سانى 33,7 پايىزعا، ياعني 10 ميلليوننان 13,4 ميلليون ادامعا دەيىن وسكەن. ال قازاقستان حالقىنىڭ ەتنيكالىق قۇرامىنداعى ۇلەسى 63,1 پايىزدان 70,4 پايىزعا دەيىن كوتەرىلدى.

ەلىمىزدەگى سانى بويىنشا ەكىنشى ورىندى الاتىن ورىس ۇلتىنىڭ ۇلەسى 21,4 پايىزعا، 800 مىڭنان استام ادامعا ازايعان. باسقا ەتنيكالىق توپتارمەن سالىستىرعاندا ورىستاردىڭ ۇلەسى 23,7 پايىزدان 15,5 پايىزعا دەيىن تومەندەگەن.

حالىق ساناعىنىڭ دەرەكتەرى بويىنشا، ورىستار مەن قازاقتاردان باسقا، ەلدەگى ەڭ ءىرى ەتنوستار وزبەكتەر (456 مىڭ ادام، 2,9 پايىزدان 3,2 پايىزعا دەيىن ءوستى), ۋكرايندار (33 مىڭ ادام، 2 پايىز), ۇيعىرلار (244 مىڭ، 1,5 پايىز), نەمىستەر (178 مىڭ، 1,2 پايىز) بولىپ تابىلادى.

ەتنيكالىق توپتار اراسىندا حالىق سانىنىڭ ءوسۋى بويىنشا ءازىربايجاندار (70,7 پايىز), دۇنگەندەر (51,7 پايىز), قىرعىزدار (46,9 پايىز) ۇلەسى ارتتى.

Abai.kz