بۇگىن پرەزيدەنت قاسىم-جومارت توقاەۆ حالىققا «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى كەزەكتى جولداۋىن جولدادى. ءبىزدىڭ ازىرگە ۇققانىمىز – تۇبەگەيلى رەفورمالار، تۇبەگەيلى وزگەرىستەر كەرەكتىگىن، سونىڭ العىشارتتارىنىڭ العاشقى بەلگىلەرىنىڭ جۇزەگە اسا باستاعانىن سەزىنىپ وتىرعاندايمىز.
پرەزيدەنت ءوز جولداۋىندا: «ەلىمىزدىڭ باستى قۇندىلىعى – ادام. بۇل – ايقىن نارسە.سوندىقتان ۇلتتىق بايلىقتى تەڭ ءبولۋ جانە بارشاعا بىردەي مۇمكىندىك بەرۋ – رەفورمانىڭ باستى ماقساتى.
ۇلت ساۋلىعى جاقسى بولسا عانا، قوعام ورنىقتى داميدى.
دەنساۋلىق ساقتاۋ سالاسىندا ءبىراز رەفورما جۇرگىزىلدى.
دەگەنمەن ونىڭ جاعدايى ءالى دە ءماز ەمەس.ارينە، جىلدار بويى قوردالانعان تۇيتكىلدەر ءبىر مەزەتتە شەشىلمەيدى.سوندىقتان اسا ماڭىزدى ماسەلەلەردى رەتكە كەلتىرۋگە باسا ءمان بەرگەن ءجون» دەپ قاداپ ايتتى.
پرەزيدەنتىمىزدىڭ بۇگىنگى جولداۋىندا نىق قادام، باتىل شەشىمگە بەل بۋعان، ۇلكەن قاداۋ-قاداۋ ويلار ايتىلدى. ماڭىزدى باستامالار قولعا االىنىپ، ەلدىڭ سەنىمىنە سەلكەۋ تۇسىرمەيتىن ناقتى ءىس-شارالاردىڭ تەزىرەك جۇزەگە اسۋىن كۇتەيىك. پرەزيدەنت ايتقان ماڭىزدى شەشىمدەرگە قوسىلۋعا ءتيىسپىز. مۇنىڭ ءبارى ەل كۇتكەن يگى ىستەرگە باستاۋ بولارى ءسوزسىز. باستىسى، بولاشاققا باعدارىمىزدى انىقتايتىن ناقتى ىستەردىڭ كۋاسى بولا بەرەيىك.

عالىم جايلىباي

Abai.kz