قاراشا ايىندا كانادادان استاناعا «اسىل تۇقىمدى مال شارۋاشىلىقتارىنىڭ جەلىسىن قۇرۋ (تۇقىم قالىپتاستىرۋ)» جوباسىن جۇزەگە اسىرۋ اياسىندا اسىل تۇقىمدى ءمۇيىزدى ءىرى قارا مال پارتياسى جەتتى. بارلىعى 250 باس ءۇي جانۋارىنىڭ 237-ءسى تايىنشا بولسا، 13-ءى وگىزشە.

«اگرارلىق نەسيە كورپوراتسياسى» اق دەرەگىنە جۇگىنسەك، قازاقستاندىق جاعدايعا بەيىمدەلگەن «شارولە» تۇقىمىنىڭ ەتتى مالدارىن، قوستاناي وبلىسىنداعى اۋليەكول اۋدانىندا ورنالاسقان «تيموفەەۆكا-اگرو» جشس الىپتى. شەتەلدىك سيىرلاردى بەيىمدەۋ وڭايعا سوقپادى. كارانتين مەرزىمىندە سىناپ باعاناسىنىڭ -45س گرادۋس دەڭگەيىنە دەيىن كۇرت تومەندەگەن شىڭىلتىر اياز احۋالدى قيىنداتىپ جىبەردى. الايدا، كانادالىق ءىرى قارا سىناقتان سۇرىنبەي ءوتىپ، جەرگىلىكتى قاتال اۋا رايىنا توزىمدىلىك تانىتتى، دەپ حابارلايدى اگرارلىق نەسيە كورپوراتسياسىنىڭ ءباسپاسوز قىزمەتى.

«كارانتين ناۋقانى اياقتالدى، سيىرلارىمىز تەز بەيىمدەلىپ، قازىردىڭ وزىندە سەمىرە، سالماق وسىرە باستادى. بۇل ءۇشىن بارلىق جاعداي قاراستىرىلعان»، - دەيدى «تيموفەەۆكا-اگرو» جشس باسشىسى اسىلجان قۇربانوۆ.

قاراشا ايىندا كانادادان استاناعا «اسىل تۇقىمدى مال شارۋاشىلىقتارىنىڭ جەلىسىن قۇرۋ (تۇقىم قالىپتاستىرۋ)» جوباسىن جۇزەگە اسىرۋ اياسىندا اسىل تۇقىمدى ءمۇيىزدى ءىرى قارا مال پارتياسى جەتتى. بارلىعى 250 باس ءۇي جانۋارىنىڭ 237-ءسى تايىنشا بولسا، 13-ءى وگىزشە.

«اگرارلىق نەسيە كورپوراتسياسى» اق دەرەگىنە جۇگىنسەك، قازاقستاندىق جاعدايعا بەيىمدەلگەن «شارولە» تۇقىمىنىڭ ەتتى مالدارىن، قوستاناي وبلىسىنداعى اۋليەكول اۋدانىندا ورنالاسقان «تيموفەەۆكا-اگرو» جشس الىپتى. شەتەلدىك سيىرلاردى بەيىمدەۋ وڭايعا سوقپادى. كارانتين مەرزىمىندە سىناپ باعاناسىنىڭ -45س گرادۋس دەڭگەيىنە دەيىن كۇرت تومەندەگەن شىڭىلتىر اياز احۋالدى قيىنداتىپ جىبەردى. الايدا، كانادالىق ءىرى قارا سىناقتان سۇرىنبەي ءوتىپ، جەرگىلىكتى قاتال اۋا رايىنا توزىمدىلىك تانىتتى، دەپ حابارلايدى اگرارلىق نەسيە كورپوراتسياسىنىڭ ءباسپاسوز قىزمەتى.

«كارانتين ناۋقانى اياقتالدى، سيىرلارىمىز تەز بەيىمدەلىپ، قازىردىڭ وزىندە سەمىرە، سالماق وسىرە باستادى. بۇل ءۇشىن بارلىق جاعداي قاراستىرىلعان»، - دەيدى «تيموفەەۆكا-اگرو» جشس باسشىسى اسىلجان قۇربانوۆ.

«اسىل تۇقىمدى مال شارۋاشىلىعىن قۇرۋ» جوباسى شەڭبەرىندە، قولدانىستاعى مال ءوسىرۋ بازاسى اۋقىمىندا، اۋليەكول جانە شارولە تۇقىمدارىنىڭ تولدەۋگە قاۋقارلى كەم دەگەندە 2 مىڭ باسىن ءبىر ۋاقىتتا باپتاپ ۇستاۋ ارقىلى اسىل تۇقىمدى مال شارۋاشىلىعىن دامىتۋ كوزدەلۋدە. وسى ماقساتتا 10 ەسكى سيىر قوراسىن جاڭعىرتۋ، 20 ادامعا شاقتالعان سانيتارلىق وتكىزۋ نىسانىن سالۋ جانە قاجەتتى ينفراقۇرىلىم نۇكتەلەرىن تۇرعىزۋ، شارولە تۇقىمىنىڭ اسىل تۇقىمدى تابىنىن، جەم-ءشوپ سەبۋشى، جيناۋشى جانە دايىنداۋشى اۋىل شارۋاشىلىعى تەحنيكاسىن، جەم-ءشوپ قامداۋعا ارنالعان قۇرال-جابدىق ساتىپ الۋ جوسپارلانۋدا.

ا.قۇربانوۆتىڭ ايتۋىنشا، اتالعان باعىتتا جۇمىس ءجىتى جۇرگىزىلۋدە: «جول كارتاسى» باعدارلاماسى اياسىندا جىلىنا ءبىر ۋاقىتتا باپتاپ ۇستاۋ بويىنشا ءىرى قارا مالىنىڭ تولدەيتىن 2 مىڭ باسىنان تۇراتىن (1,5 مىڭ اۋليەكول تۇقىمى، 500 باس شارولە تۇقىمى) تۇقىم قالىپتاستىرۋ جونىندەگى ينۆەستيتسيالىق جوبا جۇزەگە استى. وسىمەن بىرگە، «اگرارلىق نەسيە كورپوراتسياسى» اق جەلىسى بويىنشا، 630 ملن تەڭگە سوماسىنداعى نەسيە الىندى. بۇل قارجى بيىل يگەرىلىپ ءبىتتى.

بارىمىزگە بەلگىلى، ەلدەگى اسىل تۇقىمدى مال شارۋاشىلىعىنىڭ ساپاسىن ارتتىرۋدا، سيىردىڭ ەتتى تۇقىمدارىنىڭ ونىمدىلىگىن كوتەرۋدە جانە اۋىل شارۋاشىلىعىنىڭ اسىل تۇقىمدى جانە ءونىمدى قىرلارىن جەتىلدىرۋ مەجەلەنگەن جاساندى سۇرىپتاۋ جۇمىستارىن ىنتالاندىرۋدا «قازاگرو» ۇلتتىق باسقارۋ حولدينگى «اسىل تۇقىمدى مال شارۋاشىلىقتارىنىڭ (تۇقىم قالىپتاستىرۋ) جەلىسىن قۇرۋ» ينۆەستيتسيالىق باعدارلاماسى اياسىندا جوبالاردى قارجىلاندىرۋدى جۇرگىزۋدە.

ماسەلەن، 2010-2011 جىلدار ارالىعى رەسپۋبليكا اۋماعىنا جوعارى ونىمدىلىككە يە شەتەلدىك سۇرىپتاۋدان وتكەن اسىل تۇقىمدى ءىرى قارانىڭ 15,8 مىڭ باسى اكەلىندى. ونىڭ ىشىندە، 2011 جىلى ناقتى 13,5 مىڭ باس سيىر جەتكىزىلسە، مۇنىڭ 3,6 مىڭىن نەمەسە 27 پايىزىن بيزنەس وكىلدەرى ءوز قارجىسى ەسەبىنەن تاسىسا، 9,9 مىڭ باسىن (73%) اۋىل شارۋاشىلىعى تاۋارلارىن وندىرۋشىلەر حولدينگتىڭ نەسيەلىك الەۋەتىن پايدالانا وتىرىپ اكەلدى. جوبا اياسىندا شەتەلدىك سۇرىپتاۋعا تيەسىلى اسىل ءارى تازا تۇقىمدى ءىرى قارا مالىنىڭ 12 مىڭ باسىن جەتكىزۋ جوسپارلانۋدا.

2016 جىلعا قاراي «تيموفەەۆكا-اگرو» جشس تولىق قۋاتىنا شىعۋعا نيەتتەنۋدە.

"Abai.kz"