قاتتى ورتتەن قوستاناي وبلىسىنا وراسان زور ماتەريالدىق جانە ەكونوميكالىق شىعىن كەلدى. جۇزگە جۋىق ءۇي ورتەنىپ، جەرگىلىكتى تۇرعىنداردىڭ ءومىرى مەن قاۋىپسىزدىگىنە قاۋىپ ءتوندى. ۇكىمەت تۇرعىنداردى قولداۋ جانە قيىن جاعدايدان شىعۋ ءۇشىن بارلىق شارالاردى قولدانىپ، تابيعي اپاتتىڭ زارداپتارىن جويۋ بويىنشا بەلسەندى جۇمىس جۇرگىزۋدە.

قوستاناي وبلىسىنىڭ قاسىرەتى بارشا قازاقستاندىقتارعا، كاسىپكەرلەر مەن قوعام قايراتكەرلەرىنە كومەك كورسەتۋ نيەتىن بىرىكتىردى. قامقورشىلىق كەڭەسىنىڭ شەشىمىمەن «حالىق» قايىرىمدىلىق قورى توتەنشە جاعدايدا زارداپ شەككەن وتانداستارعا كومەك كورسەتۋگە ءوز ۇلەسىن قوستى.

قوستاناي وبلىسىنىڭ اۋليەكول اۋدانىندا ورمان ورتىنەن زارداپ شەككەندەرگە 91 جاڭا ءۇي سالۋ جوسپارلانىپ وتىرعان اۋداندا 280 ورىندىق جاڭا بالاباقشا سالىنادى، ونىڭ قۇرىلىسىنا «حالىق» قايىرىمدىلىق قورى 1,3 ملرد تەڭگە ءبولدى.

قۇرىلىس جاقىن ارادا باستالىپ، كەلەسى جىلى جاڭا بالاباقشا كىشكەنتاي تاربيەلەنۋشىلەرىن قابىلداۋعا دايىن بولادى.

«ءبىز زارداپ شەككەندەردىڭ بارلىعىنىڭ قايعىسىنا ورتاق بولىپ، ءبىزدىڭ ۇلەسىمىز، قامقورلىعىمىز بەن قولداۋىمىز ولاردىڭ اۋىر زارداپتاردان ايىعۋىنا جانە جاقىن بولاشاقتا ولاردىڭ قالىپتى ومىرلەرىنە ورالۋىنا كومەكتەسەتىنىنە سەنىم بىلدىرەمىز»، - دەلىنگەن «حالىق» قايىرىمدىلىق قورى مالىمدەمەسىندە.

Abai.kz