ءورت سوندىرۋشىلەردىڭ جالاقىسى وسەدى. بۇل تۋرالى تجم ورتكە قارسى قىزمەت كوميتەتى توراعاسىنىڭ ورىنباسارى دميتري تيتوۆ مالىمدەدى، دەپ حابارلايدى Elorda.info .

توتەنشە جاعدايلار مينيسترلىگى وكىلىنىڭ ايتۋىنشا، ەلىمىزدە ءورت سوندىرۋشىلەر العاشقى جۇمىس جىلىندا شامامەن 115 مىڭ تەڭگە جالاقى الادى، ال ەڭبەك ءوتىلى 20 جىل بولسا، ونىڭ جالاقىسى 200 مىڭ تەڭگەدەن اسادى. قازىر جالاقى ماسەلەسىن شەشۋ مينيسترلىكتىڭ كۇن تارتىبىندە تۇر.

«بۇگىنگى تاڭدا توتەنشە جاعدايلار مينيسترلىگىنىڭ ماتەريالدىق-تەحنيكالىق جابدىقتالۋى 69 پروتسەنتكە تەڭ. جىل سايىن بيۋدجەتتەن ءورت ءسوندىرۋ تەحنيكاسىن ساتىپ الۋعا ءتيىستى قاراجات بولىنەدى. بىراق ءبىز قولداناتىن اۆتوتسيستەرنالاردىڭ باعاسى 90 ميلليون تەڭگەدەن اسادى. ەگەر پوليتسيا قىزمەتىنىڭ كولىكتەرىمەن سالىستىراتىن بولساق، بىزدەگى تەحنيكا 8 ەسەگە قىمبات. سوندىقتان ەكى ۆەدومستۆوعا بىردەي سوما بولىنەدى دەيتىن بولساق، ءبىز باسقا ۆەدومستۆوعا قاراعاندا الدەقايدا از ماشينا ساتىپ الامىز. وسىنى ەسكەرگەن ءجون»، – دەدى دميتري تيتوۆ.

Abai.kz