قازاقستان رەسپۋبليكاسى پارلامەنتى سەناتىنىڭ كۋلۋارىندا پالاتا سپيكەرى ماۋلەن اشىمباەۆ بيىل قازاقستانعا كەلەتىن رەسەيلىكتەر سانىنىڭ ارتۋىنا قاتىستى پىكىر ءبىلدىردى. سەنات سپيكەرىنىڭ ايتۋىنشا، بيىل قازاقستانعا ازداعان رەسەيلىك كەلۋى مۇمكىن.

"از عانا رەسەيلىك كەلىپ تۇرۋعا رۇقسات سۇراي الادى. ەگەر ورىستار بىزگە كەلگىسى كەلسە، سودان كەيىن قايسىبىر شارۋامەن وسىندا ءبىراز ۋاقىتقا قالعىسى كەلسە، مۇندا ەشقانداي ماسەلە تۋىنداماۋى كەرەك، ءبىز شەكتەي المايمىز. ال تۇرۋعا رۇقساتقا كەلەتىن بولساق، مىنانى ايتقىم كەلەدى: بۇل ماسەلەنى رەتتەيتىن ءتيىستى زاڭدار بار. جالپى ەڭ باستى ماسەلە رەسەي فەدەراتسياسىنداعى ءىشىنارا موبيليزاتسيالاۋ بولىپ تۇرعانى بەلگىلى. بۇل ءبىزدىڭ كورشىمىز، ءبىز ءۇشىن ماڭىزدى ەل. ارينە، قازاقستاندىقتار بۇل ۇدەرىستەردى باقىلاپ وتىر. پارلامەنت سەناتىنىڭ سپيكەرى رەتىندە وزگە ەلدىڭ ىشىندە بولىپ جاتقان پروتسەستەرگە باعا بەرۋىم دۇرىس ەمەس دەپ ايتقىم كەلەدى", - دەيدى ماۋلەن اشىمباەۆ.

رەسەي ازاماتى قازاقستاننىڭ مەملەكەتتىك ورگاندارىنا بارىپ، تۇرۋعا ىقتيارحات سۇراسا، وعان سايكەس ازىرلەنۋى كەرەك قۇجاتتار ءتىزىمى بار ەكەنىن دە اتاپ ءوتتى.

Abai.kz