ءماجىلىستىڭ ەكس-سپيكەرى نۇرلان نىعماتۋليننىڭ ەگىز-باۋىرى، سەناتتىڭ ەكس-دەپۋتاتى ەرلان نىعماتۋلين قاماۋعا الىندى. بۇل تۋرالى Pravda.kz telegram-ارناسى جاريالادى.

ارنانىڭ اقپاراتى بويىنشا، نىعماتۋلينگە الاياقتىق، سالىق تولەۋدەن جالتارۋ، كەدەندىك تولەمدەر، قىلمىستىق كىرىستەردى زاڭداستىرۋ فاكتىلەرى بويىنشا ايىپ تاعىلىپ وتىر.

«اقپاراتقا سايكەس، قر پارلامەنتى ءماجىلىسىنىڭ بۇرىنعى سپيكەرى نۇرلان نىعماتۋليننىڭ ەگىزى ەرلان نىعماتۋلين قاماۋعا الىندى. قازىر وعان قاتىستى سوتقا دەيىنگى تەرگەۋ ءجۇرىپ جاتىر، نىعماتۋليننىڭ ءوزى جانە ونىڭ بىرقاتار «كومەكشىلەرى» قاماۋعا الىندى. سونداي-اق، قولدا بار اقپاراتقا سايكەس، قۇقىق قورعاۋ ورگاندارىنىڭ نۇرلان نىعماتۋلينگە دە بىرقاتار سۇراقتارى بار. الايدا ونىڭ قايدا ەكەنى ازىرگە بەلگىسىز»، – دەلىنگەن حابارلامادا.

Abai.kz