قازاقستان رەسپۋبليكاسى پارلامەنتى ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ حاتشىسى يۋليا كۋچينسكايا گەرمانيا فەدەراتيۆتىك رەسپۋبليكاسى سىرتقى ىستەر مينيسترلىگى وڭتۇستىك كاۆكاز جانە ورتالىق ازيا باسقارمالارى باسشىسىنىڭ ورىنباسارى پاۋل امانن مىرزامەن كەزدەستى.

تاراپتار ەكىجاقتى قاتىناستى نىعايتۋدىڭ ماڭىزدى ماسەلەلەرىن تالقىلادى. يۋ. كۋچينسكايا قازاقستان گەرمانيامەن ىنتىماقتاستىقتى دامىتۋعا ايرىقشا ماڭىز بەرەتىنىن جانە اتالعان ەل ەۋروپالىق وداقتاعى ءبىزدىڭ نەگىزگى ستراتەگيالىق ارىپتەسىمىز ەكەنىن اتاپ ءوتتى.

سونداي-اق، قر پرەزيدەنتى ق.توقاەۆتىڭ گەرمانياعا ساپارلارى  وزارا ءىس-قيمىلدىڭ كۇشەيۋىنە قۋاتتى سەرپىن بەرگەنىن ايتتى.   بيىل قازاقستان مەن گەرمانيا اراسىنداعى ديپلوماتيالىق ارىپتەستىكتىڭ ورناعانىنا 30 جىل تولدى جانە وسى تاريحي قىسقا مەرزىم ىشىندە ەكى ەلدىڭ بايلانىسى جوعارى دەڭگەيگە جەتتى.

ونىڭ ىشىندە ساياسي، ەكونوميكالىق جانە مادەني-گۋمانيتارلىق سالالاردى ەرەكشە اتاپ وتۋگە بولادى. سونىمەن قاتار، يۋليا كۋچينسكايا پارلامەنتارالىق تىعىز بايلانىستىڭ ماڭىزدىلىعىنا باسا نازار اۋدارىپ، ماجىلىستەگى  "قازاقستان – گەرمانيا" جانە گفر بۋندەستاگىنداعى "گەرمانيا – ورتالىق ازيا" پارلامەنتتىك دوستىق توپتارىنىڭ الەۋەتى زور ەكەنىنە توقتالدى.

ءوز كەزەگىندە پاۋل امانن ەكىجاقتى ءوزارا ىنتىماقتاستىقتىڭ، سونىڭ ىشىندە پارلامەنتارالىق ارىپتەستىك دەڭگەيىنە جوعارى باعا بەرە كەلىپ، ءوزارا ىقپالداستىقتىڭ الداعى ۋاقىتتا دا ودان ءارى تەرەڭدەي تۇسەتىنىنە سەنىم ءبىلدىردى.

Abai.kz