«AMANAT»-تىڭ وڭىرلىك فيليالدارىنداعى 20 كونفەرەنتسيانىڭ قورىتىندىسى بويىنشا پارتيانىڭ كەزەكتەن تىس XXIV سەزىنە 700 دەلەگات سايلاندى. سونداي-اق، اماناتتىقتار پارتيانىڭ جاڭا ساياسي تۇعىرناماسىنىڭ جوباسىن تالقىلادى. جالپى، ءۇش كۇن ىشىندە بارلىق دەڭگەيدەگى كونفەرەنتسيالار جۇمىسىنا 20 مىڭنان استام ادام قاتىستى.

اقمولا وبلىستىق ماسليحاتىنداعى «AMANAT»-تىڭ دەپۋتاتى سايرا ماتايباەۆا اتاپ وتكەندەي، جاڭا ساياسي تۇعىرناما بيىل ناۋرىزدا ىسكە قوسىلعان كەڭ اۋقىمدى پارتيالىق ترانسفورماتسيانىڭ ءبىر بولىگى بولىپ سانالادى.

«ءبىزدىڭ باستى بايلىعىمىز – حالىق، باستى ماقساتىمىز – ازاماتتاردىڭ ءال-اۋقاتىن جاقسارتۋ. تۇعىرنامادا قوعامنىڭ شوعىرلاندىرۋشى كۇشىنە اينالۋى ءتيىس جاسامپاز ەڭبەكتىڭ ماڭىزدىلىعى تۋرالى ايتىلادى. بيزنەس-قوعامداستىقتىڭ وكىلى رەتىندە، بۇل ماسەلەنى شەشۋگە كاسىپكەرلىكتى جان-جاقتى جاردەمدەسۋ امالى كومەكتەسەدى دەپ ايتا الامىن»، – دەدى ول.

اقتوبە وبلىستىق فتيزيوپۋلمونولوگيالىق ورتالىعىنىڭ باس دارىگەرى ەرلان ءتاتىموۆتىڭ ايتۋىنشا، پارتيالىقتار دەنساۋلىق ساقتاۋ جانە ءبىلىم بەرۋ ماسەلەلەرىنە ەرەكشە نازار اۋدارىپ كەلەدى.

«ءبىلىم مەن عىلىمعا قۇيىلعان ينۆەستيتسيا – بۇل بولاشاققا قۇيىلعان ينۆەستيتسيا. بالاباقشالاردىڭ، جاتاقحانالاردىڭ جەتىسپەۋشىلىگى ماسەلەسىن شەشۋ، ءۇش اۋىسىمدى مەكتەپتەردى جويۋ، مەديتسينالىق نىسانداردىڭ جابدىقتالۋىن جاقسارتۋ قاجەت. پارتيالىقتار وسى ماسەلەلەرمەن تۇراقتى تۇردە اينالىسادى ءارى بۇل باعىتتار باستى يدەولوگيالىق قۇجاتتا كورىنىس تاپقان. جۇيەلى جۇمىستىڭ ءبىر كورىنىسى – وسى»، – دەدى ول.

ايتا كەتۋ كەرەك، پارتيالىقتارعا الەۋمەتتىك ساۋالناما ارقىلى ساياسي تۇعىرناما جوباسىنا قاتىستى ءوز پىكىرىن بىلدىرۋگە مۇمكىندىك بەرىلدى. باتىس قازاقستانداعى پارتيالىقتار دا بۇل جۇمىستان شەت قالعان جوق.

«وڭىرىمىزدە 217 باستاۋىش پارتيا ۇيىمى بار. جاڭا قۇجات سونىڭ اربىرىندە بەلسەندى تالقىلاندى. وبلىسىمىزداعى پارتيالىقتاردىڭ كوپتەگەن ۇسىنىسى تۇعىرنامانى ازىرلەۋ كەزىندە ەسكەرىلگەنى قۋانتادى»، – دەدى پارتيانىڭ باتىس قازاقستان وبلىستىق فيليالىنىڭ اتقارۋشى حاتشىسى مۇرات مۇقاەۆ.

ماڭعىستاۋ وبلىستىق ماسليحاتىنداعى «AMANAT»-تىڭ دەپۋتاتى ايات سۇگىربايدىڭ ايتۋىنشا، قازىرگى ۋاقىتتا قوعامدىق تاتۋلىق پەن كەلىسىمدى ساقتاۋ اسا ماڭىزدى ماسەلە بولىپ وتىر.

«بىرلىك – مەملەكەتىمىزدىڭ نەگىزى. جالپىۇلتتىق بىرەگەيلىكتى نىعايتا وتىرىپ، ءبىز ەشقاشان ەلىمىزدەگى ۇلتارالىق جانە كونفەسسياارالىق كەلىسىمگە كۇمان كەلتىرۋگە جول بەرمەيمىز. ويتكەنى دامۋدىڭ باستى شارتى – تۇراقتىلىق پەن تىنىشتىق ەكەنى ءسوزسىز»، – دەدى ول.

پارتيانىڭ جاڭا ساياسي تۇعىرناماسى مەملەكەت باسشىسى قاسىم-جومارت توقاەۆتىڭ رەفورمالار باعىتىن جۇزەگە اسىرۋ ءۇشىن جاسالعان، دەيدى قوستاناي وبلىسىنداعى پارتيا مۇشەلەرى.

«تۇعىرنامادا كورسەتىلگەندەي، قازىرگى تاڭدا قوعامنىڭ باستى تالابى ادىلدىك پەن زاڭ ۇستەمدىگىن ورناتۋ، سىبايلاس جەمقورلىق پەن پاراقورلىققا قارسى اياۋسىز كۇرەس بولىپ وتىر. «اماNات» پارتياسى الەۋمەتتىك ادىلەتتىلىك جاعىندا بولىپ كەلدى، سولاي بولىپ قالا بەرەدى. ءبىز زاڭداردا جانە ومىردە الەۋمەتتىك ادىلەتتىلىك ورناتۋعا شاقىرامىز»، – دەدى پارتيانىڭ قوستاناي وبلىستىق فيليالىنىڭ اتقارۋشى حاتشىسى بيبىگۇل اققوجينا.

تۇركىستان وبلىسىندا اماناتتىقتار اۋىل شارۋاشىلىعىن قولداۋدىڭ ماڭىزدىلىعىنا نازار اۋداردى. تۇركىستان وبلىستىق ءماسليحاتىنىڭ دەپۋتاتى الماس ءسالىموۆ پارتيانىڭ جاڭا ساياسي تۇعىرناماسى جوباسىندا بۇل ماسەلەگە ەرەكشە كوڭىل بولىنگەنىن اتاپ ءوتتى.

«اگرارلىق سەكتور – قازاقستان ەكونوميكاسىنىڭ ماڭىزدى قۇرامداس بولىگى، اۋىلدىڭ ءال-اۋقاتىن كوتەرۋ – ءاربىر پارتيالىقتىڭ مىندەتى. «اماNات» پارتياسى اۋىلدىڭ ءال-اۋقاتىن جاقسارتۋ، اۋىل شارۋاشىلىعىن قولداۋ مەملەكەت الدىندا تۇرعان ستراتەگيالىق مىندەتتەردىڭ ءبىرى ەكەنىنە سەنىمدى»، – دەدى ول.

ەسكە سالا كەتەيىك، 6 قازاندا استانا قالاسىندا «AMANAT» پارتياسىنىڭ كەزەكتەن تىس XXIV سەزى وتەدى. پارتيانىڭ ورتالىق اپپاراتى دايىندىق جۇمىستارىن جۇرگىزۋدە.

Abai.kz