«اۋىل» پارتياسى اتىنان پرەزيدەنتتىككە كانديدات رەتىندە ۇسىنىلعان جيگۋلي دايراباەۆتىڭ ۇلدارىنا قاتىستى جەمقورلىق بويىنشا ءىس قوزعالعان. مارات دايراباەۆ پەن ديدار مولداقالىق اقشا جىمقىردى دەپ كۇدىككە ىلىنگەن. ءىس ماتەريالدارىنىڭ سوتقا جولدانعانىن جامبىل وبلىستىق سوتى راستاعان، دەپ حابارلايدى «Jambyl-Taraz» اقپارات اگەنتتىگى

بۇل تۋرالى «م.دايراباەۆ، ە.كۋلكەەۆ، ە.ەليباي جانە د.مولداقالىققا قاتىستى قر قك 189-بابى، 4-ءبولىمى، 2-تارماعى جانە 190-بابى، 4-ءبولىمى، 2-تارماعى بويىنشا قىلمىستىق ءىس تاراز قالاسىنىڭ №2 سوتىنا 19 قىركۇيەكتە كەلىپ تۇسكەن»، – دەپ حابارلادى جامبىل وبلىستىق سوتىنىڭ ءباسپاسوز قىزمەتى.

اشىق دەرەككوزدەردەن جيگۋلي دايراباەۆتىڭ ءۇش بالاسى بار ەكەنى بەلگىلى. ولاردىڭ ءبىرى مارات دايراباەۆ جامبىل وبلىسىندا تىركەلگەن «MOLBAL» جشس باسقارعان. تاعى ءبىر ۇلى داۋرەن دايراباەۆ جامبىل وبلىسى ادىلەت دەپارتامەنتى باسشىسىنىڭ ورىنباسارى بولىپ قىزمەت اتقارعان.

Abai.kz