ەو ەلدەرى رەسەيگە كەزەكتى سانكتسيالىق پاكەتتى ماقۇلداۋ ۇستىندە. كەلىسىمنىڭ ەگجەي-تەگجەيى ەلشىلەردىڭ كەزدەسۋىندە كەلىسىلدى جانە ءماتىننىڭ سوڭعى نۇسقاسى 5 قازاندا بەكىتىلەدى دەپ كۇتىلۋدە.

ەۋرووداق ەلدەرى ەلشىلەر دەڭگەيىندە رەسەيگە قارسى سانكتسيالاردىڭ سەگىزىنشى پاكەتىنىڭ ەگجەي-تەگجەيلەرى تۋرالى كەلىستى، ونىڭ نەگىزگى ەلەمەنتى مۇناي باعاسىن شەكتەۋ بولادى. جاڭا شارالاردى رەسمي بەكىتۋ 5 قازاندا ءوتۋى كەرەك دەپ جازادى Politico.

ماسكەۋگە قارسى سانكتسيالاردىڭ كەلەسى راۋندى رەسەيلىك مۇناي باعاسىنىڭ شەكتى شەگىن بەلگىلەۋگە قۇقىقتىق نەگىز بەرەدى. بۇعان دەيىن G7 ەلدەرى بۇل بويىنشا كەلىسسوز جۇرگىزگەن ەدى.

جاڭا شەكتەۋلەر جوسپارىن ەۋروپالىق كوميسسيا توراعاسى ۋرسۋلا فون دەر لەيەن وتكەن اپتادا رەسەي كوشباسشىسى ۆلاديمير پۋتين يادرولىق قارۋدى قولدانامىن دەپ قورقىتىپ، جاپپاي موبيليزاتسيا تۋرالى جاريالاعاننان كەيىن ۇسىندى.

Abai.kz