2022 جىلدىڭ 5 قازان كۇنى اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە «رۋحاني جاڭعىرۋ» جوبالىق كەڭسەسىنىڭ باستاماسىمەن ۇلت ۇستازى احمەت بايتۇرسىنۇلىنىڭ 150 جىلدىعىنا اياسىندا حالىقارالىق ۇستازدار كۇنىنە وراي ۋنيۆەرسيتەت نەگىزىن قالاۋعا ۇلەس قوسقان مەملەكەت جانە قوعام قايراتكەرلەرىنىڭ قۇرمەتىنە قويىلعان بەلگى تاقتانىنىڭ سالتاناتتى تۇردە اشىلۋى ءوتتى.

بەلگى تاقتانى ورناتۋدىڭ باستى ماقساتى قازاقستان تاريحىنداعى تۇڭعىش جوعارى وقۋ ورنىنىڭ العاشقى وقىتۋشىلىق قۇرامىن ەسكە الىپ، قۇرمەت كورسەتۋ جانە دە جاستاردىڭ بويىندا ۇلتتىق رۋح پەن پاتريوتتىق سانا-سەزىمدى قالىپتاستىرۋ.

شارانى ۇلت ۇستازى احمەت بايتۇرسىنۇلىنىڭ جيەن نەمەرەسى بايسالوۆا ايمان قابيدەنقىزىمەن ۋنيۆەرسيتەتتىڭ باسقارما توراعاسىنىڭ ورىنباسارى، اكادەميالىق ماسەلەلەر جونىندەگى پرورەكتورى ماقتاعالي ءابدىماجيتۇلى بەكتەمىسوۆ بەلگى تاقتاعا گۇل قويۋ راسىمىنەن باستادى.

ماقتاعالي ءابدىماجيتۇلى احمەت بايتۇرسىنوۆتىڭ ۋنيۆەرسيتەت تاريحىنداعى ورنى مەن پەداگوگيكا سالاسىنا سىڭىرگەن ەڭبەگى تۋرالى اتاپ وتسە، ايمان قابيدەنقىزى جاستارعا ىزگى تىلەكتەرىن ءبىلدىردى.

سالتاناتتى جيىنعا ۋنيۆەرسيتەتتىك ارداگەرلەر كەڭەسىنىڭ توراعاسى - المۇحامبەتوۆ بەرىكجان ايتقۇلۇلى قۇتتىقتاۋ ءسوز سويلەپ قوناقتار مەن قاتىسۋشىلارعا الىپ ۇستازدارعا ارنالعان ولەڭىن وقىدى. ەل ەرتەڭى جاستارعا ءتالىم مەن تاربيەلىك پىكىرلەرىمەن ءبولىستى.

ۋنيۆەرسيتەت تەك پەداگوگ مامانداردى دايارلاپ قانا قويمايدى، سونىمەن قاتار ءبىلىمالۋشىلاردىڭ ونەرىن ودا ارى قاراي شىڭدايدى. سونداي تالانتتى ستۋدەنتتىڭ ءبىرى قازاق ءتىلى جانە ادەبيەتى ماماندىعىنىڭ ستۋدەنتى سەرىك ەلدوس سالتاناتتى جيىن قاتىسۋشىلارىنا ارناۋ ولەڭىن ورىندادى.

بەلگى تاقتانىڭ اشىلۋ سالتاناتىنىڭ سوڭى ءىس – شاراعا ارنايى ۋاقىتىن ءبولىپ كەلگەن ايمان قابيدەنقىزىنا ۋنيۆەرسيتەت تاراپىنان كادەسى ۇسىنىلىپ، ەستەلىك سۋرەتكە تۇسۋمەن قورىتىندىلاندى.

«رۋحاني جاڭعىرۋ» جوبالىق كەڭسەسى

Abai.kz