ءازىربايجان مەن ارمەنيا 2022 جىلدىڭ سوڭىنا دەيىن بەيبىت كەلىسىمگە كەلۋى مۇمكىن. بۇل تۋرالى ءازىربايجان پرەزيدەنتى يلحام اليەۆ ايتتى.

"ەگەر ارميان تاراپى ىقتيارلى بولسا، بيىلعى جىلدىڭ اياعىنا دەيىن بەيبىت كەلىسىمگە قول قويىلۋى مۇمكىن. ۋاقىت ءوتىپ جاتىر. ءسىم باسشىلارىنىڭ العاشقى كەزدەسۋى ءساتتى بولماسا دا، وڭ قادام بولدى دەپ سانايمىن. مەنىڭ ويىمشا، ەگەر جاقىن ارادا شەشىم قابىلدانسا، ەگەر ەكى تاراپ جۇمىس توپتارى شەڭبەرىندە بەيبىتشىلىك شارتى بويىنشا جۇمىس ىستەي باستاسا، وندا جىل سوڭىنا دەيىن ءبىز ۋاعدالاستىققا كەلە الامىز", - دەدى اليەۆ.

ول ارمەنيانىڭ دا، ەۋروپالىق وداقتىڭ دا ءازىربايجان ۇسىنعان بەيبىتشىلىك كەلىسىمىنىڭ بەس نەگىزگى قاعيداتى بويىنشا سۇراقتارى جوق ەكەنىن ايتادى.

"بۇل بۇرىننان بار نارسە. ءبىز ەشتەڭە ويلاپ تاۋىپ جاتقان جوقپىز. بۇل قارىم – قاتىناستى قالىپقا كەلتىرگىسى كەلەتىن ەلدەردىڭ پرينتسيپتەرىنە ساي", - دەپ قوستى ءازىربايجان پرەزيدەنتى.

قىركۇيەك ايىندا ارمەنيا مەن ءازىربايجان اراسىنداعى قاقتىعىستان 200-دەن استام ادام قازا تاپتى. ەرەۆان 135 اسكەرىنىڭ قازا تاپقانىن مويىندادى، باكۋدە 77 ءازىربايجان اسكەرى قايتىس بولدى. بۇل ەكى ەل اراسىنداعى سوڭعى ەكى جىلداعى ەڭ اۋىر شيەلەنىستى وقيعانىڭ ءبىرى بولدى.

Abai.kz