قازىرگى كەزەڭدەگى تاۋەلسىز ءارى جاڭا قازاقستاننىڭ، ادىلەتتى قازاقستاننىڭ نەگىزگى تىرەگى – ادام كاپيتالى، ياعني حالىق. سوندىقتان پرەزيدەنتتىڭ مالىمدەمەسىن باسشىلىققا الا وتىرىپ، جاقىندا وتكەن ەلورداداعى سەزدە كواليتسيانىڭ اتىنان پرەزيدەنتتىككە ۇمىتكەر رەتىندە قاسىم-جومارت توقاەۆ ۇسىنىلدى.

مەنىڭشە، بۇل دۇرىس شەشىم. ويتكەنى وزدەرىڭىز بىلەتىندەي، قازىر پرەزيدەنتتىك ۇمىتكەر ءبىر-اق رەت جانە جەتى جىلعا سايلانادى. وسى ارالىقتا مەملەكەت باسشىسىنىڭ العا قويعان ءبىراز باستامالارى مەن ساياسي رەفورمالارى جۇزەگە اسىپ، ءوز جەمىسىن ەل يگىلىگىنە كورەتىنىمىزگە سەنىمدىمىن.
سەبەبى، پرەزيدەنتىمىز قاسىم-جومارت كەمەلۇلى حالىققا جولداعان ءار جولداۋىندا، 2019 جىلعى ۇندەۋىندە دە ەڭ باستى باعىت ءبىلىم سالاسىندا ەكەنىن تالماستان ايتۋدا. سونىمەن قاتار، ادىلەتتى قازاقستاندى قۇرۋ كەزىندە مىندەتتى تۇردە ساپالى ءبىلىم الىپ وتىرعان جاس ۇرپاقتىڭ كەرەك ەكەنىن دە جاقسى بىلەمىز. ولاي بولسا، دۇرىس تاڭداۋ جاساۋعا ءتيىستىمىز.
ەكىنشىدەن، كەلەشەگىمىزدى بولجايتىن، وعان جاڭا باعىت، ستراتەگيالىق باعىت بەرەتىن باسشى رەتىندە بىلەمىز. قازىر ونىڭ نەگىزگى مىندەتى ەل تاۋەلسىزدىگىن ساقتاپ قالۋ. ويتكەنى تاۋەلسىزدىگىمىز – ءبىزدىڭ بويتۇمارىمىز. بۇگىنگى الماعايىپ زاماندا، الەم ەلدەرىنىڭ تەكەتىرەسى، كەلىسپەۋشىلىگى، الاۋىزدىعى ءبىزدىڭ ەلگە دە اسەرى تيەتىنى بەلگىلى. سوندىقتان ءبىز ءوزىمىزدىڭ باستى بايلىعىمىز – بەيبىتشىلىك پەن كەلىسىمدى قورعاي وتىرىپ، ەگەمەندىك باعىتىمىزدى ناقتى ۇستانۋىمىز كەرەك. ال ونىڭ باسى-قاسىندا مەملەكەتتىك جاۋاپكەرشىلىكتى سەزىنە بىلەتىن تۇلعا رەتىندە قاسىم-جومارت توقاەۆتى ءبىراۋىزدان قولداۋىمىز كەرەك. مىنە، وسىعان ءبارىمىز بىرلەسە جۇمىس ىستەيىك.

داريا قوجامجاروۆا
Abai.kz