جۇماتاي اليەۆ قازاقستان پرەزيدەنتى سايلاۋىنا قاتىسۋعا ءوتىنىش ءبىلدىردى. بۇل - ونىڭ ءتۇسىپ جاتقان ەكىنشى ساياسي دوداسى. بۇل تۋرالى Zakon.kz سىلتەمە جاساپ، Abai.kz حابارلايدى. 

2019 جىلداعىداي بۇل جولى دا ونىڭ كانديداتۋراسىن "حالىق دەموگرافياسى" قب ۇسىندى.

ايتا كەتسەك، وتكەن جولعىسىندا اليەۆ قازاق ءتىلى ەمتيحانىنان سۇرىنگەن بولاتىن. ماماندار "مەملەكەت جانە ءدىن" تاقىرىبىنداعى ونىڭ شىعارماسىنان 19 قاتە تاپقان.

كوميسسيا ۇمىتكەردىڭ جاۋاپتارىن جان-جاقتى تالقىلاي وتىرىپ، ول مەملەكەتتىك ءتىلدى تولىق مەڭگەرمەگەن دەگەن قورىتىندىعا كەلدى.

2001 جىلدان 2008 جىلعا دەيىن اليەۆ قازاقستان حالقى اسسامبلەياسىندا ءتۇرلى لاۋازىمداردا قىزمەت اتقاردى. سونداي-اق ول ءماجىلىس دەپۋتاتى دا بولعان.

Abai.kz