قالا كۇنى تويلاناتىن قىركۇيەك ايى كىرگەندە ارۋ قالا الماتىنىڭ مادەني ءومىرى جاڭاشا تۇس، ەرەكشە مازمۇن الىپ جاندانىپ سالا بەرەتىنى بەلگىلى. بيىلدا ونەر جارمەڭكەسى قالا حالقىمەن قوناقتارىن ايرىقشا رۋحاني كۇيگە بولەدى. سپورتتىق، مۋزىكالىق شارالاردىڭ اۋقىمى كەڭ، اتقارىلۋى جان قۋانتارلىق ەكەنى ايتپاسادا تۇسىنىكتى.

قالا اكىمى ەربولات دوساەۆ تا ۇستەل تەننيسىنەن WTT Contender Almaty جارىسىن كورۋگە باردى. قازاقستاندا العاش رەت حالىقارالىق اۋقىمداعى وقيعا بولعان Contender سەرياسىنىڭ ءتۋرنيرى 13-18 قىركۇيەك ارالىعىندا جاڭا "ADD" ۇستەل تەننيسى ورتالىعىندا ءوتتى.سايىسقا الەمنىڭ 28 ەلىنەن 140 سپورتشى قاتىسۋدا. ولاردىڭ قاتارىندا وليمپيادا ويىندارىنىڭ جۇلدەگەرى جانە الەم كۋبوگىنىڭ جەڭىمپازى دميتري وۆچاروۆ (گەرمانيا), وليمپيادا ويىندارىنىڭ قولا جۇلدەگەرلەرى قاتىستى. قالا اكىمى ەربولات دوساەۆ سونداي-اق حالىقارالىق حوككەي فەدەراتسياسىنىڭ پرەزيدەنتى ليۋك تارديفپەن جانە قازاقستان حوككەي فەدەراتسياسىنىڭ باسشىسى اسقار مامينمەن كەزدەستى. .الماتىدا 2027 جىلى حوككەيدەن الەم چەمپيوناتىن وتكىزۋ جايىن تالقىلادى.

18 قىركۇيەكتە ساعات 18:00-دە اباي اتىنداعى قازۇاوبت-دا 89-شى تەاتر الدىنداعى ماۋسىمدى اشاتىن "OPERALIA" گالا-كونتسەرتى ءوتتى.

شاقىرىلعان قوناقتار: فيليپ بانجاك تانىمال چەحيالىق باريتون، قازاقستاندىق تانىمال ارتيستەر مەن وڭتۇستىك كورەيانىڭ بەلگىلى ورىنداۋشىلارى: مايرا مۇحامەدقىزى، مەيىر باينەش، قر ەڭبەك سىڭىرگەن قايراتكەرى، Laura Meenen – سوپرانو، Kim Se Yun – باريتون، Kim Hye Jin – سوپرانو قاتارلى الەمدىك دەڭگەيدەگى وپەرا انشىلەرى قاتىستى.

الماتىدا 24-25 قىركۇيەكتە قالا كۇنىن مەرەكەلەۋ اياسىنداعى قورىتىندى ءىس-شارا – Shai isheik Food Fest گاسترونوميالىق فەستيۆالى ءوتتى.

باعدارلامادا ۇلكەندەر مەن بالالارعا ارنالعان شەبەرلىك سىنىپتار، ويىندار، فۋد-كورتتار، بايقاۋ ايماقتارى، اشىق اسپان استىنداعى كينوتەاتر، ويىن-ساۋىق الاڭدارى، كونتسەرتتىك شاعىن الاڭدار جانە ت. ب. جوسپارلانعان.

مۇنداي ەلدە جوق اۋقىمدى مادەني شارالاردىڭ حالىقتىڭ مادەني ءومىرىن بايىتۋ، رۋحاني ورەسىن كوتەرۋدى، بولاشاق ۇرپاقتى ونەرگە باۋلۋ، ەستەتيكالىق تالعامىن قالىپتاستىرۋ ءۇشىن ۇيىمداستىرىلاتىنى بەلگىلى. قالا تۇرعىندارىنىڭ كوڭىلىن كوتەرۋدەن بولەك، جاسامپازدىعىن دامىتۋعادا جان جاقتى جاعداي جاسالۋدا. شىعارماشىلىق كەڭىستىكتەر – بۇل شىعارماشىلىق مامان يەلەرىنىڭ جوباسىن، يدەياسىن جۇزەگە اسىراتىن الاڭ.

الماتىدا قۇرىلعان وسىنداي كەڭىستىكتىڭ ءبىرى بارىباەۆاداعى «36-ءۇي». ول 2020 جىلدىڭ ساۋىرىندە اشىلدى، اۋدانى 1,5 مىڭ شارشى مەتر. مۇندا ونەر، مادەنيەت، دەمالىس سالاسىنداعى جوبالار مەن باعدارلامالار جۇزەگە اسىرىلادى.

«36-ءۇي» قالانىڭ بارلىق شىعارماشىلىق يندۋسترياسىنىڭ وكىلى ءۇشىن تاپتىرماس ورىنعا اينالدى. بۇل جەردە كورمە، كونتسەرت، ۆەرنيساج، تەاترلىق قويىلىم، فەستيۆال، تالىمگەرلىك باعدارلاما، بيزنەستى دامىتۋ جانە ت. ب. 100-گە جۋىق ءىس-شارا ءوتىپ، 25 مىڭنان استام ادام قاتىسقان.

شىعارماشىلىق كەڭىستىكتىڭ نەگىزگى مىندەتى:

• ستارتاپتار ءۇشىن يدەيالار نارىعىن دامىتۋ.

• يننوۆاتسيالاردى قۇرۋ جانە دامىتۋ.
• قالالىق ورتا مەن الەۋمەتتىك-ەكونوميكالىق جاعدايدى جاقسارتۋ.
• قالانىڭ تۋريستىك تارتىمدىلىعىن ارتتىرۋ.

بۇل رەتتە بالالار دا، بولاشاق ۇرپاقتاردىڭ كوركەمدىك تاربيەسى شىعارماشىلى دا نازاردان تىس قالماعان. وعان ناقتى مىسال رەتىندە وسىمەن ءۇشىنشى رەت ۇيىمداستىرىلىپ وتىرعان «كوپ مادەنيەتتى الەمدەگى بالالار مەن كىتاپتار» اتتى ءىىى حالىقارالىق كونگرەسستى اتاۋعا بولادى. ونەگەلى شارا 26-27 قىركۇيەكتە دوستىق ۇيىندە وتەدى. قاتىسۋشىلار بالالار اراسىندا كىتاپ وقۋدى ناسيحاتتاۋ ماسەلەلەرىن تالقىلايدى، زاماناۋي بالالار ادەبيەتىن ورىس تىلىنەن قازاق تىلىنە جانە كەرىسىنشە اۋدارۋ بويىنشا بىرلەسكەن جوبالاردى ىسكە قوسۋ تۋرالى كەلىسەدى.

ۇيىمداستىرۋشىلار قازاقستانداعى بالالار ادەبيەتىن ىلگەرىلەتۋ بويىنشا پەداگوگتاردى، كىتاپحاناشىلاردى، باسپاگەرلەر مەن اۋدارماشىلاردى بىرىكتىرۋدى، بالالاردىڭ كىتاپ وقۋى مەن  ۇلتتىق ادەبي مۇرانى ساقتاۋ ماسەلەلەرىن تالقىلاۋدى ماقسات ەتەدى.

سپيكەرلەر: عىلىم دوكتورلارى مەن كانديداتتارى، بالالار جازۋشىلارى، پروفەسسورلار مەن فيلولوگيا ماماندىعىنىڭ ستۋدەنتتەرى ءتۇرلى تاقىرىپتاردا باياندامالار جاسايدى. ولاردىڭ ىشىندە «وقۋشىلاردى كوركەم ادەبيەتتى وقۋعا ىنتالاندىرۋ جولدارى»، «وتباسىلىق وقۋعا كىتاپ ىزدەۋ»، «بالالارعا ارنالعان م.ماقاتاەۆتىڭ پوەزياسى» جانە ت. ب. بار.

كونگرەسس باعدارلاماسىندا ءازىربايجان، يزرايل، يتاليا، قازاقستان، قىتاي، قىرعىزستان، رەسەي فەدەراتسياسى، وزبەكستان، جاپونيادان كەلگەن 150-دەن استام قاتىسۋشى ەكى كۇن بويى ونلاين جانە وفلاين رەجيمىندە كەلەسى باعىتتار بويىنشا جۇمىس ىستەيدى:

• بالالار ادەبيەتى: بولاشاقتىڭ سىن-قاتەرلەرى;
• بالالىق شاق مادەنيەتى جانە قازىرگى قوعامنىڭ ءومىر سالتى;
• بالالار كىتاپتارىنداعى ەل مەن حالىق تاريحىنىڭ كورىنىسى;
• كىشكەنتايلارعا ارنالعان بالالار ادەبيەتى: جاڭا تاسىلدەر مەن فورماتتار;
• اۋدارما ايناسىنداعى بالالار ادەبيەتى.

ءىس-شاراعا الماتى قالاسى ءبىلىم باسقارماسىنىڭ، رەسپۋبليكالىق كىتاپ پالاتاسىنىڭ وكىلدەرى، بالالار كىتاپتارىن شىعارۋشىلار، سونداي-اق قوعامدىق بىرلەستىكتەر مەن قاۋىمداستىقتاردىڭ وكىلدەرى قاتىسادى.

كونگرەستى ۇيىمداستىرۋشىلار:

• قازاقستان حالقى اسسامبلەياسىنىڭ عىلىمي-ساراپتامالىق كەڭەسى (استانا ق.، قازاقستان)
• ت. جۇرگەنوۆ اتىنداعى قازاق ۇلتتىق ونەر اكادەمياسى (الماتى ق.، قازاقستان)
• "Altair" بالالار كىتاپتارى اكادەمياسى (الماتى ق.، قازاقستان)
• "مير چەرەز دۋحوۆنوست" قوعامدىق بىرلەستىگى (استانا ق.، قازاق

2019 جىلدىڭ 3-4 قازانىندا الماتى قالاسىندا «ALTAIR» بالالار كىتابىنىڭ اكادەمياسى قازاقستانداعى جاستار جىلى مەن تمد-داعى كىتاپ جىلىنا ارنالعان «كوپمادەنيەتتى الەمدەگى بالالار مەن كىتاپتار» I حالىقارالىق كونگرەسىن وتكىزگەن ەدى.

كونگرەسس رەسپۋبليكالىق دوستىق ءۇيى مەن ت.ك. جۇرگەنوۆ اتىنداعى قازاق ۇلتتىق ونەر اكادەمياسىنىڭ الاڭدارىندا ءوتتى.

ءىس-شارانى قازاقستان حالقى اسسامبلەياسىنىڭ عىلىمي-ساراپشىلىق كەڭەسى قولدادى.

كونگرەسستىڭ نەگىزگى باعىتتارى:

·       كوپمادەنيەتتى ءبىلىم بەرۋ كەڭىستىگىندەگى بالالار كىتابى;
·       بالالار كىتاپتارىنداعى ەل مەن حالىق تاريحىنىڭ كورىنىسى;
·       بالالار كىتابى ارت-وبەكت رەتىندە.
كونگرەسس باعدارلاماسىندا قازاقستان ((الماتى، نۇر-سۇلتان، كوكشەتاۋ، سەمەي ق.), رەسەي فەدەراتسياسى (ماسكەۋ، پياتيگورسك، نالچيك، گروزنىي، ماحاچكالا ق.), ۆەنگريا، تۇركيا جانە وزبەكستاننان كەلگەن زەرتتەۋشىلەردىڭ، وقىتۋشىلاردىڭ، جازۋشىلاردىڭ باياندامالارى مەن سويلەگەن سوزدەرى مالىمدەلدى.  كونگرەسس جۇمىسى كەزىندە ت. ك. جۇرگەنوۆ اتىنداعى قازۇوا پروفەسسورلار-وقىتۋشىلار قۇرامىنىڭ، دوكتورانتتارىنىڭ، ماگيسترانتتارىنىڭ، ستۋدەنتتەرىنىڭ عىلىمي ەڭبەكتەرى مەن ادەبي شىعارمالارىنىڭ، سونداي-اق قازاقستاندىق اۆتورلار ەرتەگىلەرىنىڭ تۇساۋكەسەرلەرى مەن كورمەلەرى ءوتتى. سونداي-اق، كونگرەسس الاڭىندا «ەرتەگىنى سۋرەتتەيىك!» حالىقارالىق بالالار بايقاۋىنىڭ جازبا كەزەڭىنىڭ جەڭىمپازدارىن ماراپاتتاۋ ءراسىمى ءوتتى.

Abai.kz