ەلەكتر ەنەرگياسى نارىعىنا ينۆەستيتسيا كوپتەپ تارتۋ ءۇشىن قولدانىستاعى ءتاريفتى 1 مۆت ءۇشىن ايىنا 590 مىڭ تەڭگەدەن 885 مىڭ تەڭگەگە دەيىن ۇلعايتۋ قاجەت. بۇل ۇسىنىستى ۇكىمەت وتىرىسىندا قر ەنەرگەتيكا ءمينيسترى بولات اقشولاقوۆ ءبىلدىردى.

«ەنەرگيا كاسىپورىندارى جۇمىسىنىڭ تۇراقتىلىعىن قامتاماسىز ەتۋ ءۇشىن ينفلياتسيا دەڭگەيىنە يندەكستەۋدى كوزدەيتىن بولجامدى تاريفتىك ساياسات تالاپ ەتىلەدى. بۇگىنگى تاڭدا ەلەكتر قۋاتى نارىعى شەڭبەرىندە سالاعا سالىنعان ينۆەستيتسيانى قايتارۋعا جۇمسالاتىن قاراجات كولەمىنە ليميت بەلگىلەندى. قازىر ليميت 32 ملرد تەڭگەگە تەڭ جانە 100 ملرد تەڭگەگە ۇلعايتۋدى قاجەت ەتەدى. سونداي-اق، ينۆەستيتسيا اعىنىن قامتاماسىز ەتۋ ءۇشىن ەلەكتر قۋاتى نارىعىنداعى قولدانىستاعى ءتاريفتى ايىنا 1 مۆت ءۇشىن قازىرگى 590 مىڭ تەڭگەدەن 885 مىڭ تەڭگەگە دەيىن ۇلعايتۋ قاجەت»، - دەدى بولات اقشولاقوۆ.

Abai.kz