"2023-2025 جىلدارعا ارنالعان رەسپۋبليكالىق بيۋدجەت تۋرالى" زاڭ جوباسىندا ءماجىلىس پەن ءماسليحات سايلاۋىن وتكىزۋگە، زەينەتاقى مەن جاردەماقىنى كوبەيتۋگە 219,9 ملرد تەڭگە قاراستىرىلىپ وتىر. بۇل تۋرالى ءماجىلىستىڭ ءتيىستى زاڭ جوباسىنا بەرگەن قورىتىندىسىندا ايتىلعان.

ءماجىلىس دەپۋتاتتارى ءۇش جىلدىق بيۋدجەتتى قاراۋ كەزىندە زاڭ جوباسىنا 2023 جىلعا بىرقاتار تۇزەتۋ ەنگىزدى.

اتاپ ايتقاندا:

پرەزيدەنتتىڭ 2022 جىلعى 1 قىركۇيەكتەگى "ادىلەتتى مەملەكەت. ءبىرتۇتاس ۇلت. بەرەكەلى قوعام" اتتى جولداۋىنىڭ ءىس-شارالارىن ىسكە اسىرۋعا – 219,9 ملرد تەڭگە (زەينەتاقى مولشەرىن ۇلعايتۋ، بالا كۇتىمى بويىنشا تولەمدەردى تاعايىنداۋ كەزەڭىنىڭ ۇزاقتىعىن ۇلعايتۋ، مەملەكەتتىك الەۋمەتتىك جاردەماقىنى مونەتيزاتسيالاۋ، جاستاردى جۇمىسپەن قامتۋ شارالارىمەن قامتاماسىز ەتۋ، ءماجىلىس پەن ءماسليحاتتار سايلاۋلارىن وتكىزۋ);

ازىرلەنىپ جاتقان الەۋمەتتىك كودەكس اياسىندا جەكەلەگەن ءىس-شارالاردى ىسكە اسىرۋعا – 14,7 ملرد تەڭگە;

تۇرعىن ءۇي قۇرىلىس جيناق سالىمدارى بويىنشا سىيلىقاقىلاردى تولەۋگە – 35 ملرد تەڭگە.

سونداي-اق 54,3 ملرد تەڭگە قوسىمشا اۋىلدىق جانە قالالىق سۋمەن جابدىقتاۋعا، ينجەنەرلىك-كوممۋنيكاتسيالىق ينفراقۇرىلىمعا، گازبەن جابدىقتاۋدى دامىتۋعا، جولدارعا، اۋرۋحانالار سالۋعا باعىتتالادى.

قارجىلاندىرۋ كوزدەرى – پرەزيدەنتتىڭ باستامالارىنا ارنالعان رەزەرۆ جانە ۇكىمەت رەزەرۆى.

بۇدان باسقا، پرەزيدەنتتىڭ ءبىلىم جانە عىلىم مينيسترلىگىن قايتا ۇيىمداستىرۋ تۋرالى جارلىعىن ىسكە اسىرۋ ءۇشىن شىعىستاردى ۇلعايتپاي ەكى جاڭا مينيسترلىككە قايتا ءبولۋدى كوزدەيتىن تۇزەتۋلەر ەنگىزىلدى.

ءماجىلىس زاڭ جوباسىن ماقۇلدادى.

Abai.kz