2022 جىلدىڭ ناۋرىزىندا "جەتىسۋ" اكك قىزمەتىندەگى سىبايلاس جەمقورلىق تاۋەكەلدەرىنە سىرتقى تالداۋ جۇرگىزىلدى. اكك قىزمەتىن تالداۋ كەزىندە كوپتەگەن كەمشىلىكتەر مەن تاۋەكەلدەردىڭ، ونىڭ ىشىندە سىبايلاس جەمقورلىقتىڭ بار ەكەندىگى انىقتالدى.

وسىلايشا، تالداۋمەن "جەتىسۋ" اكك قىزمەتىندە قر جەر زاڭناماسىن بۇزۋ فاكتىلەرى انىقتالدى:

- جەرگىلىكتى اتقارۋشى ورگاندار اكك-گە كوپ قاباتتى تۇرعىن ۇيلەردىڭ قۇرىلىسىنا جەر ۋچاسكەلەرىن بەردى (اكك جارعىسىندا مۇنداي قۇزىرەت جوق، سوندىقتان تالدىقورعان قالاسى اكىمدىگىنىڭ قاۋلىلارى جويىلۋعا جاتادى).

- اكك جانىنداعى جەر ۋچاسكەلەرى نىسانالى ماقساتى بويىنشا 3 جىلدان استام پايدالانىلمايدى (قر جەر زاڭناماسىنا سايكەس الىپ قويۋعا جاتادى).

تالداۋدىڭ كورسەتىلگەن قورىتىندىلارى جەردى پايدالانۋ جانە قورعاۋ ءۇشىن ۋاكىلەتتى ورگاننىڭ اكتىلەرىمەن راستالادى.

وسىعان بايلانىستى دەپارتامەنت وبلىس اكىمىنە جەرگىلىكتى اتقارۋشى ورگانداردىڭ شەشىمدەرىنىڭ كۇشىن جويۋ جانە اكك جەر ۋچاسكەلەرىن مەملەكەتتىك مەنشىككە قايتارۋ تۋرالى ماسەلەنى قاراۋ تۋرالى حات جولدادى.

بۇگىنگى تاڭدا پانفيلوۆ اۋدانىنداعى 3 جەر ۋچاسكەسى اۋدان اكىمدىگىنىڭ 07.10.2022 جىلعى №378 قاۋلىسىمەن مەملەكەتتىك مەنشىككە قايتارىلدى (3 ۋچاسكەنىڭ جالپى كاداسترلىق قۇنى 503,2 ملن. تەڭگەنى قۇرايدى). تالدىقورعان قالاسىنداعى جەرلەر بويىنشا اكىمدىك جەر ۋچاسكەلەرىن قايتارۋ بويىنشا ۇيىمداستىرۋشىلىق-وكىمدىك شارالاردى جۇزەگە اسىرادى.

Abai.kz