رەداكتسيامىزعا وقىرماندار كوپ حابارلاسادى. حات جازاتىندار دا از ەمەس. گازەتىمىز «حالىق ءسوزى» اتالعاندىقتان، حالىقتىڭ مۇڭ-مۇقتاجىن ءبىر ايتسا، وسىلار ايتۋى ءتيىس دەيتىن شىعار. ءبىز دە شاما-شارقىنشا وقىرماندارىمىزدىڭ وي-پىكىرىن، ارىز-ارمانىن ايتىلعان جەردە قالدىرماي، «ءۇي ارتىندا كىسى بارىن» ەسكەرۋگە تىرىسامىز.  «حالىق ايتسا قالت ايتپايدى» دەمەي مە، گازەت بەتتەلىپ جاتقاندا رەداكتسيامىزعا حابارلاسقان وقىرمانىمىزدىڭ ويىن قاز-قالپىندا جاريالاۋدى ءجون كوردىك.

-    الو، بۇل «حالىق ءسوزى» مە؟
-    ءيا، تىڭداپ تۇرمىز.
-    سىزدەر استاناداعى ۇلتتىق قاۋىپسىزدىك كوميتەتىنىڭ قايدا ورنالاسقانىن بىلەسىزدەر مە؟
-    سول جاعالاۋدا بولۋى كەرەك، ونىڭ بىزگە قانداي قاتىسى بار، اعاسى؟
-    ال جانىندا قانداي عيماراتتار بار ەكەنىن بىلەسىزدەر مە؟
-    مينيسترلىكتەر ءۇيى، قارسىسىندا باس پروكۋراتۋرا... كەشىرىڭىز، ءسىز قاۋىپسىزدىك كوميتەتىن تابا الماي ءجۇرسىز بە؟
-    جوق، ونىڭ ماڭىندا قانداي عيماراتتار بار ەكەنىن مەن جاقسى بىلەم. سىزدەر بىلە مە دەپ سۇراپ جاتىرمىن.
-    وۋ، اعاسى...
-  ءجا، ءالى تۇسىنبەي وتىر ەكەنسىز. اسىلىندە، قاۋىپسىزدىك كوميتەتىنىڭ ماڭىندا ورنالاساتىن نىساندارعا ەرەكشە ءمان بەرىلۋ كەرەك ەدى. ياعني، شەتەلگە قاتىستى عيماراتتار ءبىزدىڭ قاۋىپسىزدىك ورگانىنان الىس ورنالاسۋى كەرەك-ءتىن. ال بىزدە شە؟
-    ءيا، بىزدە قالاي ەكەن؟

رەداكتسيامىزعا وقىرماندار كوپ حابارلاسادى. حات جازاتىندار دا از ەمەس. گازەتىمىز «حالىق ءسوزى» اتالعاندىقتان، حالىقتىڭ مۇڭ-مۇقتاجىن ءبىر ايتسا، وسىلار ايتۋى ءتيىس دەيتىن شىعار. ءبىز دە شاما-شارقىنشا وقىرماندارىمىزدىڭ وي-پىكىرىن، ارىز-ارمانىن ايتىلعان جەردە قالدىرماي، «ءۇي ارتىندا كىسى بارىن» ەسكەرۋگە تىرىسامىز.  «حالىق ايتسا قالت ايتپايدى» دەمەي مە، گازەت بەتتەلىپ جاتقاندا رەداكتسيامىزعا حابارلاسقان وقىرمانىمىزدىڭ ويىن قاز-قالپىندا جاريالاۋدى ءجون كوردىك.

-    الو، بۇل «حالىق ءسوزى» مە؟
-    ءيا، تىڭداپ تۇرمىز.
-    سىزدەر استاناداعى ۇلتتىق قاۋىپسىزدىك كوميتەتىنىڭ قايدا ورنالاسقانىن بىلەسىزدەر مە؟
-    سول جاعالاۋدا بولۋى كەرەك، ونىڭ بىزگە قانداي قاتىسى بار، اعاسى؟
-    ال جانىندا قانداي عيماراتتار بار ەكەنىن بىلەسىزدەر مە؟
-    مينيسترلىكتەر ءۇيى، قارسىسىندا باس پروكۋراتۋرا... كەشىرىڭىز، ءسىز قاۋىپسىزدىك كوميتەتىن تابا الماي ءجۇرسىز بە؟
-    جوق، ونىڭ ماڭىندا قانداي عيماراتتار بار ەكەنىن مەن جاقسى بىلەم. سىزدەر بىلە مە دەپ سۇراپ جاتىرمىن.
-    وۋ، اعاسى...
-  ءجا، ءالى تۇسىنبەي وتىر ەكەنسىز. اسىلىندە، قاۋىپسىزدىك كوميتەتىنىڭ ماڭىندا ورنالاساتىن نىساندارعا ەرەكشە ءمان بەرىلۋ كەرەك ەدى. ياعني، شەتەلگە قاتىستى عيماراتتار ءبىزدىڭ قاۋىپسىزدىك ورگانىنان الىس ورنالاسۋى كەرەك-ءتىن. ال بىزدە شە؟
-    ءيا، بىزدە قالاي ەكەن؟
-    پەكين پالاس قايدا تۇر؟ تاياق تاستام جەردە. كوميتەتكە دە، باس پروكۋراتۋراعا دا. ۇكىمەت ءۇيى، مينيسترلىكتەر، پارلامەنت تە ءتيىپ تۇر.
-    ياعني، مەملەكەتتىك ستراتەگيالىق ماڭىزى زور نىسانداردىڭ قىتاي قوناق ءۇيىنىڭ جانىندا تۇرعانى دۇرىس ەمەس دەيسىز عوي.
-    ارينە، دۇرىس ەمەس.
-    توقتاڭىز، سوندا بەيجىڭ سارايىنان تىڭ تىڭدالۋى مۇمكىن دەگەندى ايتپاقسىز با؟
-    اينالايىن-اۋ، ونى مەن قايدان بىلەيىن، قازىر سولاي دەپ ايتسام، ەكى كوزىمدى باقىرايتىپ قويىپ، تەمىر تورعا تىقپاي ما مەنى؟! جورامال عوي. دولبار. ونىڭ ۇستىنە ۇشار باسى اينالىپ تۇرادى دەي مە، اينالانىڭ بارلىعىن شولىپ تۇرماسىن دەڭىز.
-    ءا-ءا-ءا-ءا. جانى بار سياقتى ءسوزىڭىزدىڭ. دەيتۇرعانمەن،  كوميتەتتە وتىرعان جىگىتتەر مۇنى بىلمەيدى ەمەس شىعار؟! تىڭ تىڭداتىپ قويىپ وتىرمايتىن شىعار؟!
-    سولاي بولسا، سولاي شىعار. ونداعىلار ساۋىسقاننان ساق بولاتىنداي ءجونى بار عوي. ۇشقان قۇس، جۇگىرگەن اڭنىڭ اڭىسىن اڭدىپ وتىرۋى دا كەرەك. جۇمىستارى سول. ايتايىن دەگەنىم ول ەمەس، بىراق. ءدال مىناداي جاعداي ەشبىر ەلدە جوق، مەنىڭشە. قىتايدىڭ الىپ عيماراتى قازاقتىڭ مەملەكەتتىك ماڭىزى بار نىساندارمەن قوڭسى جاتقانى قاي جاعىنان العاندا دا دۇرىس ەمەس، ونىمەن كەلىسەتىن شىعارسىز؟!
-    ال كەلىستىك دەلىك.
-    كەلىسسەڭىزدەر، وسى ءسوزىمدى باسىڭىزدار گازەتكە. مەنىڭ ءسوزىم ەمەس، حالىقتىڭ ءسوزى بۇل.
-    اتى-ءجونىڭىزدى ايتپادىڭىز عوي.
-    اتى-ءجونىمدى جازباي-اق قويىڭىزدار...

وقىرمان ويىن قاعازعا تۇسىرگەن - ق.قايسار

"حالىق ءسوزى" گازەتى