قازاقستاننىڭ سىرتقى ىستەر ءمينيسترى سولتۇستىك ماكەدونياعا ەكىجاقتى قاتىناستار تاريحىندا تۇڭعىش رەت ساپار جاسادى، دەپ حابارلايدى قر ءسىم ءباسپاسوز قىزمەتى.

قازاقستان رەسپۋبليكاسى پرەمەر- ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردىنىڭ سولتۇستىك ماكەدونيا رەسپۋبليكاسىنا رەسمي ساپارى ءوتتى. ونىڭ بارىسىندا ەكىجاقتى ىنتىماقتاستىقتىڭ پەرسپەكتيۆالارى جانە سولتۇستىك ماكەدونيانىڭ ەقىۇ-عا الداعى 2023 جىلعى توراعالىعى شەڭبەرىندەگى ءوزارا ءىس-قيمىل تالقىلاندى.

مينيستر پرەزيدەنت ستەۆو پەنداروۆسكيمەن جانە اسسامبلەيانىڭ (پارلامەنتتىڭ) توراعاسى تالات دجافەريمەن كەزدەسۋلەر وتكىزدى، سونداي-اق سىرتقى ىستەر ءمينيسترى بۋيار وسمانيمەن كەلىسسوزدەر جۇرگىزدى.

Abai.kz