باس پروكۋروردىڭ ورىنباسارى اسەت شىنداليەۆ كازينوداعى ويىندارعا 500 ميلليوننان استام اقشا جۇمساعان شەنەۋنىكتەر تۋرالى تۇسىنىك بەردى.

ونىڭ سوزىنشە، شەنەۋنىكتەرگە تەكسەرۋ جۇرگىزىلىپ، قاتاڭ جازا قولدانىلادى.

ء"يا، مۇنداي اقپارات بار، الەۋمەتتىك جەلىگە شىقتى. ءتيىستى مەملەكەتتىك ورگاندار ءار فاكتى بويىنشا تەكسەرۋلەر جۇرگىزەدى. وسى تەكسەرۋلەردىڭ ناتيجەسىندە ەڭ قاتاڭ شارالار قولدانىلادى", - دەدى ول.

ايتا كەتەيىك، بۇعان دەيىن مەملەكەتتىك قىزمەت ىستەرى اگەنتتىگى الماتى وبلىسىنداعى كازينوعا 507 ميلليون تەڭگە جۇمساعان 305 شەنەۋنىكتىڭ انىقتالعانىن حابارلاعان بولاتىن.

ولاردىڭ ىشىندە:

ىشكى ىستەر مينيسترلىگىنىڭ – 97;

قورعانىس مينيسترلىگىنىڭ – 95;

قارجى مينيسترلىگىنىڭ – 25;

جوعارعى سوتتىڭ – 7;

قارجى مونيتورينگى اگەنتتىكتەرىنىڭ – 15;

سىبايلاس جەمقورلىققا قارسى ءىس - قيمىل اگەنتتىگىنىڭ – 3;

اكىمدىكتەردىڭ– 36; وزگە مەملەكەتتىك ورگانداردىڭ – 27 قىزمەتكەرى بار.

پروكۋرورلار مەملەكەتتىك قىزمەتشىلەردىڭ قۇمار ويىندارعا جۇمساعان قاراجاتتى قايدان العانىن تەكسەرۋگە شاقىردى.

Abai.kz