25 جىل ىشىندە «ارسەلورميتتال تەمىرتاۋ» اق جەر قويناۋىن پايدالانۋعا ارنالعان كەلىسىمشارت بويىنشا شاحتا قاباتتارىندا ۋلى زاتتاردى زالالسىزداندىرۋ جۇمىستارىن جۇرگىزگەن جوق. بۇل تۋرالى توتەنشە جاعدايلار مينيسترلىگى ونەركاسىپتىك قاۋىپسىزدىك كوميتەتىنىڭ ءباسپاسوز قىزمەتى حابارلادى.

«ارسەلورميتتال تەمىرتاۋ» اكتسيونەرلىك قوعامىنا كومىر شاحتالارىنىڭ تاۋ-كەن قازبالارىن قاۋىپسىز كۇيدە ۇستاپ، ولاردى جەلدەتىپ ءارى قاۋىپسىزدىك بويىنشا تەحنولوگيالىق جۇمىستاردى جۇرگىزەتىن قىزمەتكەرلەردىڭ شتاتىن جاساقتاۋ قاجەت. سونىمەن قاتار، قاجەتتى جابدىقتاردى بەلگىلەنگەن مەرزىمدە ۋاقتىلى اۋىستىرۋى ءتيىس. ياعني، بەكىتىلگەن نەگىزگى جەلدەتۋ قۇرىلعىلارىن پايدالانۋ مەرزىمى - 14 جىل. قازىرگى كەزدە مۇندا 1970-1980 جىلداردان باستاپ قولدانىلىپ كەلە جاتقان جەلدەتكىشتەر اپاتتى جاعدايدا تۇر»، - دەپ ءمالىم ەتتى ءباسپاسوز قىزمەتى.

ايتا كەتەيىك، 3 قاراشانىڭ تۇنىندە قاراعاندى وبلىسى، شاحتينسك قالاسىندا لەنين اتىنداعى شاحتادا اپات بولىپ، 5 كەنشى مەرت بولدى. تاعى تورتەۋى جاراقاتتانىپ، اۋرۋحاناعا ءتۇستى.

Abai.kz