قىرعىزستاندا تاعى ەكى بانك رەسەيدىڭ "مير" تولەم جۇيەسىنىڭ كارتالارىنا قىزمەت كورسەتۋدى توقتاتتى، دەپ حابارلايدى 24.kg.

«2022 جىلدىڭ 1 قاراشاسىنان باستاپ "وپتيما بانك" "مير" تولەم كارتالارىنا قىزمەت كورسەتۋدى توقتاتۋ تۋرالى شەشىم قابىلدادى. بانك POS-تەرمينالدار وپەراتسيالارىن، بانكوماتتاردا اقشا اۋدارۋ پروتسەسىن بۇعاتتادى» ،-دەلىنگەن قارجى-نەسيە مەكەمەسىنىڭ حابارلاماسىندا.

"باي تۋشۋم" بانكى دە وسىنداي شەشىم قابىلدادى. وتكەن اپتادا قىرعىز ينۆەستيتسيالىق-كرەديتتىك بانكى "مير" كارتاسىنا قىزمەت كورسەتۋدى توقتاتقان بولاتىن.

باسىلىم اتاپ وتكەندەي، "تولۋباي بانك", "ەۋرازيالىق جيناق بانكى", "كاپيتال بانك", "قىرعىزكوممەرتسبانك", "كەرەمەت بانك", "ەكويسلاميك بانك" جانە "رسك بانك" "مير"  كارتالارىمەن جۇمىسىن جالعاستىرۋدا.

ەستەرىڭىزگە سالا كەتەيىك، قازان ايىنىڭ ورتاسىندا قىرعىزستانداعى ءۇش كوممەرتسيالىق بانك رەسەيدىڭ "مير" تولەم جۇيەسىنىڭ كارتالارىن قابىلداۋدان باس تارتقان.

Abai.kz