ەلىمىزدە ۇننىڭ بولشەك ساۋداداعى باعاسى جىل ىشىندە بىردەن 45 پايىزعا جۋىق قىمباتتاعان.

ەnergyprom.kz دەرەگىنشە، وسى جىلدىڭ قاڭتار-قىركۇيەگىندە ەلىمىزدە 2,3 ملن توننا ۇن ءوندىرىلدى.

ءوندىرىستىڭ جارتىسىنان كوبى قوستاناي (784,1 مىڭ توننا) مەن سولتۇستىك قازاقستان (243,7 مىڭ توننا) وبلىستارىنا، سونىمەن قاتار شىمكەنت قالاسىنا (197,6 مىڭ توننا) تيەسىلى.

ەلىمىزدىڭ ۇن تارتاتىن كاسىپورىندارى ىشكى نارىقتى ونىممەن تولىقتاي قامتاماسىز ەتىپ وتىر.

سونىمەن قاتار قاڭتار-تامىز ارالىعىندا ولار ۇن ەكسپورتىن 28,3 پايىزعا ارتتىرىپ، 1,1 ملن تونناعا جەتكىزدى.

الايدا، ىشكى نارىقتا ۇن ساتۋ بىردەن 22,2 پايىزعا، 838,8 مىڭ تونناعا دەيىن قىسقارىپ وتىر. ال وتكەن جىلى 3,6 پايىز ءوسىم بايقالعان ەدى.

وتكەن جىلمەن سالىستىرعاندا وسى جىلدىڭ قاڭتار-تامىزدىندا بيداي نەمەسە بيداي-قارابيداي ۇنىنىڭ ەكسپورتتىق باعاسى بىردەن 41,6 پايىزعا قىمباتتاپ كەتتى.

2022 جىلدىڭ قازان ايىنىڭ قورىتىندىسىندا ىشكى نارىقتا تۇتىنۋشىلارعا ارنالعان ۇننىڭ باعاسى جىل باسىنان بەرى 41,3 پايىزعا جانە 2021 جىلدىڭ قازانىمەن سالىستىرعاندا 44,3 پايىزعا قىمباتتادى.

2022 جىلدىڭ قازان ايىندا جوعارى سۇرىپتى بيداي ۇنىنىڭ بولشەك ساۋداداعى باعاسى 1 كەلىسى ءۇشىن 369 تەڭگەنى، ءبىرىنشى سۇرىپتى ءۇن 245 تەڭگەنى قۇرادى.

قازاقستان قالالارى اراسىندا جوعارى سۇرىپتى بيداي ۇنىنىڭ ەڭ قىمبات استانادا (1 كەلىسى 447 تەڭگە), اقتاۋدا (411) جانە شىمكەنتتە (406), ال ەڭ ارزانى اقتوبەدە (279 تەڭگە), پاۆلوداردا (292), جەزقازعاندا (296) جانە سەمەيدە (296) تىركەلگەن.

ءبىرىنشى سۇرىپتى بيداي ۇنىنىڭ ءبىر كەلىسىنە ەڭ جوعارى باعا اقتاۋدا (335 تەڭگە), الماتىدا (306) جانە استانادا (298), ەڭ تومەنى پەتروپاۆلدا (145 تەڭگە), قاراعاندىدا (184) جانە پاۆلوداردا (186) بەلگىلەندى.

Abai.kz