قر وقۋ-اعارتۋ مينيسترلىگى ءبىلىم سالاسىندا ساپانى قامتاماسىز ەتۋ كوميتەتىنىڭ توراعاسى ەرنۇر داۋەنوۆ قاي ءوڭىردىڭ پەداگوگتەرىنەن ارىز ءجيى تۇسەتىنىنە توقتالدى.

«تۇركىستان وبلىسىنان كوپ ءوتىنىش ءتۇستى. سونىمەن قاتار، شىعىس قازاقستان وبلىسى بويىنشا وتىنىشتەر ءجيى كەلىپ جاتىر. بىراق بىزگە بەيرەسمي وتىنىشتەر دە كوپ تۇسەدى. بۇل – الماتى وبلىسى. ال رەسمي ستاتيستيكاعا سۇيەنسەك، ماڭعىستاۋ مەن الماتى وبلىستارىندا كورسەتكىش سونشالىقتى جوعارى ەمەس»،- دەدى كوميتەت باسشىسى ۆەدومستۆونىڭ اپپارات كەڭەسىندە.

سونداي-اق، ول مۇنداي انونيمدىلىكتىڭ سەبەبىن دە ءتۇسىندىردى.

«شىن مانىندە ول جەردەن بەيرەسمي وتىنىشتەر كەلىپ تۇسەدى. بۇل سول جەردەگى پەداگوگتەردىڭ ءبىزدىڭ اۋماقتىق دەپارتامەنتكە سەنىمى تومەن جانە ولاردىڭ جۇمىسىنا بايلانىستى دەپ بىلەمىز. ەكىنشىدەن، اقپاراتتىق ءتۇسىندىرۋ جۇمىسىنىڭ ناشار دەڭگەيدە جۇرگىزىلەتىنىن ايتۋعا بولادى. بۇل جۇمىستى ەندى قولعا الامىز»، - دەدى ەرنۇر داۋەنوۆ.