1,5 ميلليوننان استام سالىمشى دەپوزيت بويىنشا 10 پايىزدىق وتەماقى الۋعا ءوتىنىش ءبىلدىردى، دەپ حابارلادى قازاقستاننىڭ دەپوزيتتەرگە كەپىلدىك بەرۋ قورىنىڭ ءباسپاسوز قىزمەتى.

1,5 ميلليوننان استام سالىمشى بانكتەرگە ءوتىنىم بەرۋ ارقىلى تەڭگەدەگى دەپوزيتتەر بويىنشا 10% كولەمىندە وتەماقى (سىيلىق) الۋعا كەلىسىمىن راستادى.

بۇل باعدارلامانىڭ شارتتارىنا ساي كەلەتىن سالىمشىلاردىڭ جالپى سانىنىڭ 30% قۇرادى.

بانكتەر تەڭگەدەگى دەپوزيتتەر بويىنشا 10% ەسەپتەۋگە كەلىسىم بەرۋ تۋرالى سالىمشىلاردىڭ وتىنىشتەرىن قابىلداۋدى جالعاستىرۋدا.

سالىمشىلار سىياقىنى الۋعا كەلىسىمىن 2023 جىلدىڭ 1 قاڭتارىنا دەيىن راستاۋى كەرەك.

مۇنى ونلاين رەجيمىندە جاساۋعا بولادى، ەكىنشى دەڭگەيلى بانكتەردىڭ كوپشىلىگى مۇنداي مۇمكىندىكتى الدەقاشان ويلاستىرعان.

5 ميلليوننان استام سالىمشى وتەماقى الا الادى. ونىڭ ىشىندە سالىمشىلاردىڭ 97% دەپوزيتكە 5 ميلليون تەڭگەگە دەيىن اقشا سالعان.

ونىڭ ىشىندە دەپوزيتتەردىڭ نەگىزگى ۇلەسىن 1 ملن تەڭگەگە دەيىنگى دەپوزيتتەر قۇرايدى.

قىركۇيەك ايىنداعى جاعداي بويىنشا وتەماقىنىڭ جالپى سوماسى شامامەن 360 ملرد تەڭگەنى قۇرادى.

«سىياقى جيناق، مەرزىمدى، مەرزىمسىز دەپوزيتتەر، ءبىلىم بەرۋ جيناقتاۋ سالىمدارى جانە تۇرعىن ءۇي قۇرىلىس جيناقتارى جۇيەسىندەگى سالىمدارعا ەسەپتەلەدى. سالىمشىلاردى وسى مۇمكىندىكتى پايدالانۋعا شاقىرعىم كەلەدى. وتەماقى الۋ شارتتارىنىڭ ءبىرى - 2022 جىلدىڭ 23 اقپانىنا دەيىن اشىلعان جارامدى دەپوزيتتىڭ بولۋى»، - دەپ قوستى قدكبق توراعاسى ءادىل وتەمباەۆ.

Abai.kz