پرەمەر-مينيستر ءاليحان سمايىلوۆ لەنين اتىنداعى شاحتاداعى قايعىلى جاعدايدان كەيىن «ارسەلور ميتتال تەمىرتاۋ» كومپانياسىنا قولدانىلاتىن شارالار تۋرالى ايتتى.

«بۇل كومپانيا ءۇشىن كومىر ءوندىرۋ جونىندەگى جەر قويناۋىن پايدالانۋعا ارنالعان كەلىسىمشارتقا العاش رەت جىل سايىن كەمىندە 150 ملرد تەڭگە كولەمىندەگى ينۆەستيتسيانى كومىر ءوندىرىسىن جاڭعىرتۋعا سالۋ قاجەتتىگى تۋرالى قوسىمشا تالاپ جازدىق. سونىمەن قاتار كومىر قاتپارلارىن گازداندىرۋ ءۇشىن 7 ملرد تەڭگە سالادى. بۇرىن مۇنداي بولعان ەمەس. جەر قويناۋىن پايدالانۋعا وزگە دە مىندەتتەمەلەر قويىلىپ وتىر»، - دەدى ءاليحان سمايىلوۆ سەناتتىڭ جالپى وتىرىسىندا سەناتورلاردىڭ ساۋالىنا جاۋاپ بەرىپ.

ايتا كەتەيىك، 3 قاراشادا تۇندە «ارسەلور ميتتال تەمىرتاۋ» كومپانياسىنىڭ شاحتينسك قالاسىندا ورنالاسقان لەنين اتىنداعى شاحتاسىندا جارىلىس بولىپ، اپاتتان بەس ادام قازا تاپتى. ءتورت ادام اۋرۋحاناعا تۇسكەن.

Abai.kz