ءماجىلىس دەپۋتاتى "ارسەلور ميتتال" كومپانياسىنىڭ  يەسىن اۋىستىرۋدى ۇسىندى. دەپۋتات يۋري جۋلين اتالعان ۇسىنىستى پرەمەر-مينيستر ءاليحان سمايلوۆقا جولدادى.

ونىڭ ايتۋىنشا، "ارسەلور ميتتال تەمىرتاۋداعى" تەكسەرۋ بارىسىندا جۇزدەگەن، ءتىپتى مىڭداعان زاڭ بۇزۋلىشىلىقتار انىقتالماق.

«ءبىزدىڭ ەلىمىز، ازاماتتارىمىز ول ينۆەرتورعا قارىز ەمەس. ءيا، تاۋەلسىزدىكتىڭ العاشقى جىلدارى ول  كارمەتكومبيناتتى جانە شاحتالاردى يەلىگىنە الىپ، جۇمىسىن جۇرگىزىپ وتىردى. بىراق ول مودەرنيزاتسيالاۋدان، الەۋمەتتىك مىندەتتەمەلەردەن، جۇمىسشىلاردىڭ جالاقىسىنان قارجى ۇنەمدەۋ ارقىلى، قازىرگى كۇنى ميللياردتاعان دوللور تابىس تاۋىپ، سول كەزدە سالعان ينۆەستيتسياسىن تولىق قايتارىپ الدى.

مەتاللۋرگتار مەن شاحتەرلار 50 جاسىنا دەيىن لايىقتى زەينەتاقى قورىن جيناي الماسا، بۇل نەعىلعان جالاقى؟ بولعان اپاتقا قاتىستى تەرگەۋ اياقتالعانشا كومپانيانىڭ توپ-مەنەدجەرلەرىنەن  ەشقايدا كەتپەۋ تۋرالى قولحات الىنۋ كەرەك. ولار بۇكىل جاۋاپكەرشىلىكتى ءوز موينىمەن كوتەرسىن. قاتارداعى مەنەدجەرلەر مەن جۇمىسشىلارعا بارلىق كىنانى ارتا سالۋدى قويۋ كەرەك»، - دەدى دەپۋتات.

دەپۋتاتتىڭ ايتۋىنشا، ەلىمىزدىڭ زاڭىن سىيلامايتىن، موينىنا العان جاۋاپكەرشىلىكتى ورىندامايتىن «ارسەلور ميتتال»-دىڭ يەسىن اۋىستىرۋعا ۇكىمەت شىنداپ كىرىسۋى كەرەك.

Abai.kz