2023 جىلى ەلىمىزدە ءىى تۇركى ۋنيۆەرسياداسى وتكىزىلمەك
2023 جىلى قازاقستاندا ءىى تۇركى ۋنيۆەرسياداسى وتەدى. بۇل تۋرالى پرەزيدەنت توقاەۆ سامارقاندتا ءوتىپ جاتقان سامميت بارىسىندا مالىمدەدى.
«تۇركى مەملەكەتتەرىنىڭ ءبىلىم جانە عىلىم سالاسىنداعى ىنتىماقتاستىعىن نىعايتۋ قاجەت. وسىعان وراي، ءبىز 2023 جىلى قازاقستاندا ءىى تۇركى ۋنيۆەرسياداسىن ۇيىمداستىرۋدى جوسپارلاپ وتىرمىز. ونى تۇركى ۋنيۆەرسيتەتتەرى وداعى اياسىندا وتكىزۋگە بولادى”،-دەدى ول.
مەملەكەت باسشىسى اكادەميالىق ۇتقىرلىقتى دامىتىپ، ستۋدەنتتەر اراسىندا مادەنيەتارالىق ديالوگ ورناتۋعا ءمان بەرۋ كەرەكتىگىن ايتتى.
«سونداي-اق، جوعارى وقۋ ورىندارىنىڭ بىرىڭعاي ءبىلىم بەرۋ كەڭىستىگىن قالىپتاستىرۋ قاجەت. سوندىقتان، 2023 جىلى تۇركى ەلدەرى ۋنيۆەرسيتەتتەرىنىڭ ورتاق جەلىسىن قۇرۋ مۇمكىندىگىن قاراستىرۋدى ۇسىنامىن. بۇل باستاما ستۋدەنتتەرىمىزدىڭ تۇركى تىلدەرىن ۇيرەنىپ، باۋىرلاس ەلدەردىڭ تىنىس-تىرشىلىگىمەن تانىسۋىنا جول اشادى”،-دەدى
Abai.kz
