تۇركى مەملەكەتتەرى ۇيىمىنىڭ سامميتىندە قازاقستان پرەزيدەنتى قاسىم-جومارت توقاەۆتىڭ باستاماسىمەن تۇركيا رەسپۋبليكاسىنىڭ پرەزيدەنتى رەجەپ تايپ ەردوعاندى تۇركى الەمىنىڭ ەڭ جوعارعى وردەنىمەن ماراپاتتالادى، دەپ حابارلادى  Ulysmedia.kz.

سامميتتە سويلەگەن سوزىندە توقاەۆ تۇركى ەلدەرىنىڭ بىرلىگى جىل وتكەن سايىن نىعايىپ كەلە جاتقانىن العا تارتتى. سونىڭ ارقاسىندا تۇركى الەمىنىڭ حالىقارالىق ارەناداعى ساياسي سالماعى ەداۋىر ارتقان.

«تۇركيا رەسپۋبليكاسىنىڭ پرەزيدەنتى، جوعارى مارتەبەلى رەجەپ تايپ ەردوعان ءبىر جىل بويى تۇركى مەملەكەتتەرى ۇيىمىنىڭ توراعاسى مىندەتىن اتقاردى. وسى ۋاقىت ىشىندە ۇيىمنىڭ مارتەبەسىن كوتەرىپ، ىقپالىن نىعايتۋعا زور ۇلەس قوستى. سول ءۇشىن باۋىرىم – رەجەپ مىرزاعا العىس ايتامىن.

رەسپۋبليكا اتانعانىنا كەلەسى جىلى ءبىر عاسىر بولاتىن باۋىرلاس تۇركيا ەلى ءوزارا ىنتىماقتاستىعىمىزدى نىعايتۋعا زور ۇلەس قوسا بەرەدى دەپ سەنەمىن. وسى ورايدا، مەن قۇرمەتتى رەجەپ بەيدى «تۇركى الەمىنىڭ ەڭ جوعارعى وردەنىمەن» ماراپاتتاۋ تۋرالى باستاما كوتەردىم. بۇل ۇسىنىسىم ءبىراۋىزدان قولداۋ تاپتى. سول ءۇشىن بارشاڭىزعا ريزاشىلىعىمدى بىلدىرەمىن»، - دەدى قاسىم-جومارت توقاەۆ.

Abai.kz