قىتاي قازاقستاننان كەلەتىن جولاۋشىلارعا قويىلاتىن تالاپتاردى وزگەرتتى، دەپ حابارلايدى قىتاي ەلشىلىگىنىڭ سايتى.

"ەپيدەميانى باقىلاۋدا ۇستاۋ ماقساتىندا قىتايدىڭ قازاقستانداعى ەلشىلىگى مەن باس كونسۋلدىعى "HS" (نەمەسە "HDC") دەنساۋلىق كودىن الۋعا قويىلاتىن تالاپتاردى جاڭارتۋدا", – دەلىنگەن قىتاي ەلشىلىگىنىڭ سايتىندا.

ەندى قازاقستاننان قىتايعا تىكەلەي رەيسپەن بارا جاتقان جولاۋشىلارعا ۇشۋعا دەيىن 48 ساعات ىشىندە قازاقستان رەسپۋبليكاسىنىڭ اۋماعىندا رەسمي تىركەلگەن زەرتحانادا ءبىر رەت پتر-تەست تاپسىرۋ قاجەت.

ەكىنشىدەن، پتر تەستىنىڭ ناتيجەسىن جانە قاجەتتى قۇجاتتاردى ەلەكتروندى جىبەرۋ ارقىلى دەنساۋلىق كودىن الۋعا ءوتىنىش بەرۋ كەرەك.

ء"وتىنىم وڭدەگەننەن كەيىن قىتايدىڭ قازاقستانداعى ەلشىلىگى نەمەسە باس كونسۋلدىعى "دەنساۋلىقتىڭ جاسىل كودىن" بەرەدى. رەيسكە تىركەلۋ كەزىندە اۆياكومپانيا قىزمەتكەرىنە "جاسىل دەنساۋلىق كودى" موبيلدىك قوسىمشاسى ارقىلى (الدىن الا جاسالعان سكرينشوت قابىلدانبايدى) كورسەتەدى", – دەپ اتاپ ءوتتى ەلشىلىك.

Abai.kz