قازاقستاندا رەسەيلىك استىق ءترانزيتىنىڭ ءتاريفى قىمباتتاعان جوق. بۇل جونىندە "قازاقستان تەمىر جولى" ۇلتتىق كومپانياسى حابارلادى.  

"سوڭعى ءتورت جىلدان بەرى رەسەيلىك استىقتى قازاقستان اۋماعىنا جەتكىزۋ ءتاريفى وزگەرىسسىز قالىپ وتىر", - دەپ حابارلادى قتج.

ۇلتتىق كومپانيا مالىمەتىنشە، جىل باسىنان بەرى رەسەي استىعىن قازاقستان اۋماعىنا تاسىمالداۋ كوبەيگەن. سوڭعى 10 ايدا وتكەن جىلمەن سالىستىرعاندا 24 پروتسەنتكە وسكەن.

وسىنىڭ الدىندا رەسەيلىك باق "رەسەي تەمىر جولى" كومپانياسى قازاقستاننان اۋىل شارۋاشىلىعى ونىمدەرىنىڭ ءترانزيتى ءتاريفىن ءتۇسىرۋدى سۇرادى دەپ جازعان. وندا "رەسەي ءۇشىن ورتالىق ازيا ەلدەرىنە استىق جەتكىزۋ جابىق" دەلىنگەن.

ەۋرازيالىق ەكونوميكالىق وداق تالابىنا سايكەس، ترانزيت ءتاريفى تمد ساياساتىن سايكەس جۇزەگە اسادى.

رەسەي استىق وداعىنىڭ ۆيتسە-پرەزيدەنتى الەكساندر كوربۋتتىڭ سوزىنشە، باتىس ەلدەرى سانكتسيالارىنان كەيىن، استىقتى قازاقستان ارقىلى جەتكىزۋ ءتيىمسىز. "سەبەبى، قازاقستان ءبىزدىڭ ءونىمدى وزگە ەلدەرگە قايتا ساتىپ، پايدا تابۋى مۇمكىن" دەيدى.

قازاقستان 10 قىركۇيەكتەن باستاپ استىق پەن ۇن ەكسپورتىنا بيىل ءونىم جوعارى بولادى دەپ، تىيىمدى الىپ تاستاعان. ءساۋىر ايىندا رەسەيگە سالىنعان سانكتسيالارعا بايلانىستى بيداي قىمباتتاپ، ۇكىمەت استىق ەكسپورتىنا تىيىم سالعان.

اۋىل شارۋاشىلىعى مينيسترلىگى بيىل 13 ملن توننادان استام استىق جينايمىز، بۇل بىلتىرعىدان 12 پروتسەنتكە كوپ دەپ بولجاعان. ىشكى سۇرانىس 6,5 ملن توننا دەپ بولجانادى.

Abai.kz