25-اقپاندا «قازاقستان» ۇلتتىق ارناسىندا «ءومىر وتكەلدەرى» اتتى جاڭا وتاندىق تەلەحيكايانىڭ تۇساۋى كەسىلەدى. بۇل تۋرالى بىزگە «قازاقستان» رەسپۋبليكالىق تەلەراديوكورپوراتسياسىنىڭ ءباسپاسوز حاتشىسى تاناكوز تولقىنقىزى حابارلادى.

12 توپتامادان تۇراتىن «ءومىر وتكەلدەرى» تەلەحيكاياسىندا باستى كەيىپكەر ايسۇلۋدىڭ ءرولىن ءجانيا جۋرينسكايا وينايدى.  نەگىزگى وقيعا جەلىسى  شاعىن ساۋدا ورتالىعىندا ءوربيدى. ايسۇلۋ - شەت ەلدىڭ الدىڭعى قاتارلى مۋزىكالىق وقۋ ورنىنان ءبىلىم الىپ جۇرگەن جاس سكريپكاشى.  كۇتپەگەن جەردەن ول اكەسىنە توسىن سىي جاساپ، الماتىعا كەلەدى. الايدا، قازاقستاندا بەس جىلداي ۋاقىت بولماعان مۋزىكانت قىز كۇتپەگەن جاعدايلارعا كەزىگەدى. ءبىرىنشى كۇنى تۋعان ۇيىنە كەسە، پاتەردىڭ ەسىگىن جاڭا يەسى اشپايدى، ال قۋاتتى بيزنەسمەن بولعان اكەسىنىڭ اۋىر حالدە جاتقانىن ەستيدى.

اناسىنان جاستايىنان ايىرىلعان وجەت قىز امالسىزدان كاسىپكەر اكەسىنىڭ دۇكەنىنە تۇنەپ شىعادى. ساناۋلى كۇنگە دەمالۋعا كەلگەن ايسۇلۋ اكەسىنىڭ اۋىر جاعدايىن كورىپ، ونىڭ قاسىندا قالۋعا شەشىم قابىلدايدى. تۋعان ەلىنە بەس جىلدان كەيىن ورالعان قىز بيزنەس پەن ومىردە اكەسىنىڭ جان دوستارىنىڭ ساتقىندىق جاساعانىنا كوزى جەتەدى. ەندى ونىڭ ومىرلىك ماقساتى - ونەر مەن مۋزىكا  ەمەس، وسى ءبىر قيىن جاعدايدا اكەسىنىڭ بيزنەسىمەن بىرگە ونىڭ  ابىرويى مەن نامىسىن دا قۇتقارىپ قالۋ بولادى.

25-اقپاندا «قازاقستان» ۇلتتىق ارناسىندا «ءومىر وتكەلدەرى» اتتى جاڭا وتاندىق تەلەحيكايانىڭ تۇساۋى كەسىلەدى. بۇل تۋرالى بىزگە «قازاقستان» رەسپۋبليكالىق تەلەراديوكورپوراتسياسىنىڭ ءباسپاسوز حاتشىسى تاناكوز تولقىنقىزى حابارلادى.

12 توپتامادان تۇراتىن «ءومىر وتكەلدەرى» تەلەحيكاياسىندا باستى كەيىپكەر ايسۇلۋدىڭ ءرولىن ءجانيا جۋرينسكايا وينايدى.  نەگىزگى وقيعا جەلىسى  شاعىن ساۋدا ورتالىعىندا ءوربيدى. ايسۇلۋ - شەت ەلدىڭ الدىڭعى قاتارلى مۋزىكالىق وقۋ ورنىنان ءبىلىم الىپ جۇرگەن جاس سكريپكاشى.  كۇتپەگەن جەردەن ول اكەسىنە توسىن سىي جاساپ، الماتىعا كەلەدى. الايدا، قازاقستاندا بەس جىلداي ۋاقىت بولماعان مۋزىكانت قىز كۇتپەگەن جاعدايلارعا كەزىگەدى. ءبىرىنشى كۇنى تۋعان ۇيىنە كەسە، پاتەردىڭ ەسىگىن جاڭا يەسى اشپايدى، ال قۋاتتى بيزنەسمەن بولعان اكەسىنىڭ اۋىر حالدە جاتقانىن ەستيدى.

اناسىنان جاستايىنان ايىرىلعان وجەت قىز امالسىزدان كاسىپكەر اكەسىنىڭ دۇكەنىنە تۇنەپ شىعادى. ساناۋلى كۇنگە دەمالۋعا كەلگەن ايسۇلۋ اكەسىنىڭ اۋىر جاعدايىن كورىپ، ونىڭ قاسىندا قالۋعا شەشىم قابىلدايدى. تۋعان ەلىنە بەس جىلدان كەيىن ورالعان قىز بيزنەس پەن ومىردە اكەسىنىڭ جان دوستارىنىڭ ساتقىندىق جاساعانىنا كوزى جەتەدى. ەندى ونىڭ ومىرلىك ماقساتى - ونەر مەن مۋزىكا  ەمەس، وسى ءبىر قيىن جاعدايدا اكەسىنىڭ بيزنەسىمەن بىرگە ونىڭ  ابىرويى مەن نامىسىن دا قۇتقارىپ قالۋ بولادى.

«قازاقستان» ۇلتتىق ارناسىنىڭ ارنايى تاپسىرىسىمەن تۇسىرىلگەن  «ءومىر وتكەلدەرى» تەلەحيكاياسىنىڭ قويۋشى رەجيسسەرى - نارىن ەرلان. ءفيلمنىڭ قويۋشى وپەراتورى حاسان قىدىراليەۆ، كومپوزيتورى قۋات شىلدەباەۆ. رولدەردە تانىمال ونەر جۇلدىزدارى راحمان وماروۆ، اسىلبەك بورانباي، داريا جۇسىپپەن قاتار، ەربول ىدىرىسوۆ، ومار قيقىموۆ، جانات تىنباەۆ، مەرەي ماحانوۆ، عاني قۇراش ت.ب اكتەرلار وينايدى.

تەلەحيكايا «قازاقستان» ۇلتتىق ارناسىندا دۇيسەنبىدەن بەيسەنبىگە دەيىن ساعات 21.50 كورسەتىلدى.