26 قاراشادا قاسىم-جومارت توقاەۆ قازاقستان پرەزيدەنتى رەتىندە حالقىنا انت بەرەدى. بۇل تۋرالى قر ورتالىق سايلاۋ كوميسسياسىنىڭ توراعاسى نۇرلان ءابدىروۆ حابارلادى. 

«سايلانعان قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ انت بەرۋ كۇنى 2022 جىلعى 26 قاراشا بولىپ ايقىندالدى»، - دەدى قر ورتالىق سايلاۋ كوميسسياسىنىڭ وتىرىسىندا كوميسسيا توراعاسى نۇرلان ءابدىروۆ.

ايتا كەتەيىك، 20 قاراشادا ەلىمىزدە كەزەكتەن تىس پرەزيدەنت سايلاۋ ءوتتى. بارلىق وڭىردە 10 033 ۋچاسكە جۇمىس ىستەدى. ال شەت مەملەكەتتەردەگى قازاقستان وكىلدىكتەرى جانىندا 68 ۋچاسكە قۇرىلعان.

ەلىمىزدەگى بۇكىل سايلاۋشىلاردىڭ 69 پايىزى نەمەسە 8 ملن 282 مىڭنان استام ادام وز تاڭداۋىن جاسادى.

20 قاراشادا وتكەن كەزەكتەن تىس سايلاۋ بارىسىندا قاسىم-جومارت توقاەۆقا 6 ملن 456 مىڭ 392 سايلاۋشى نەمەسە ولاردىڭ 81,31 پايىزى داۋىس بەردى.

سوندىقتان بۇگىن ورتالىق سايلاۋ كوميسسياسىنىڭ وتىرىسىندا حالىق سايلاعان قاسىم-جومارت كەمەلۇلى توقاەۆتى قازاقستان رەسپۋبليكاسىنىڭ پرەزيدەنتى رەتىندە تىركەدى  جانە زاڭنامادا بەلگىلەنگەن تارتىپپەن سايلانعان مەملەكەت باسشىسىنا ءتيىستى كۋالىك تاپسىرىلاتىن بولادى.

Abai.kz