قر ۇلتتىق ەكونوميكا ءمينيسترى الىبەك قۋانتىروۆ كەيىنگى 10 جىل ىشىندە حالىقتىڭ ءوسىمى استانادا 59 پايىزعا، الماتىدا 37 پايىزعا، شىمكەنتتە 67 پايىزعا جەتكەنىن ايتتى.

«قازىرگى ۋاقىتتا ەلدىڭ اگلومەراتسيالارىندا ورتالىق قالا مەن وعان ىرگەلەس اۋداندار اراسىندا ەكونوميكالىق دامۋدا، قارجىلىق جانە ادامي الەۋەتتەرگە قاتىستى بەلگىلى ءبىر تەڭسىزدىكتەر بار. تەڭسىزدىكتەردىڭ پايدا بولۋىنا ىقپال ەتەتىن نەگىزگى فاكتور – ءىرى قالالار مەن ولارعا ىرگەلەس اۋماقتاردا حالىق سانىنىڭ باقىلاۋسىز ءوسۋى»، - دەدى ءا. قۋانتىروۆ.

وسى ورايدا ول اتالعان قالالاردىڭ اۋماقتارى دا ەداۋىر وسكەنىن ەسكە سالدى.

«استانا ەلوردا بولعالى جەر اۋماعى جاعىنان 3 ەسە ءوستى، الماتى قالاسىنىڭ اۋماعى كەيىنگى ون جىلدا 2,5 ەسە ءوستى، ال شىمكەنتتىڭ اۋماعى 3,5 ەسە ءوستى»، - دەدى مينيستر.

Abai.kz