«قر اۋماعىندا اۆتوگاز قۇيۋ ستانتسيالارىندا اۆتوكولىككە جانارماي قۇيۋ ءۇشىن سۇيىتىلعان مۇناي گازىن بولشەك ساۋدادا وتكىزۋگە ۋاقىتشا مەملەكەتتىك باعا رەتتەۋدى ەنگىزۋ تۋرالى» باسەكەلەستىكتى قورعاۋ جانە دامىتۋ اگەنتتىگى توراعاسىنىڭ بۇيرىعىنا وزگەرىس ەنگىزىلەدى.

قۇجات تالقىلاۋ ءۇشىن «اشىق» نقا پورتالىندا جاريالاندى.

ايتا كەتەيىك، بۇعان دەيىنگى بۇيرىققا سايكەس، سۇيىتىلعان مۇناي گازىنىڭ باعاسىن تۇراقتى ۇستاپ تۇرۋ مەرزىمى 2023 جىلدىڭ 1 قاڭتارىندا اياقتالۋى كەرەك. باسەكەلەستىكتى قورعاۋ جانە دامىتۋ اگەنتتىگى ونى ۇزارتۋدى ۇسىنىپ وتىر.

«وسى بۇيرىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى جانە 2023 جىلعى 30 ماۋسىمعا دەيىن قولدانىلادى. سۇيىتىلعان مۇناي گاز نارىعىنىڭ بولشەك سەگمەنتىندە ەركىن باعا بەلگىلەۋ جاعدايىندا باعانىڭ كۇرت ءوسۋ جانە قوعامداعى الەۋمەتتىك شيەلەنىستىڭ پايدا بولۋ قاۋپى بار.وسىعان بايلانىستى، اۆتوگاز قۇيۋ ستانتسيالارىنان cۇيىتىلعان مۇناي گازىن بولشەك ساۋدادا وتكىزۋدىڭ باعاسىن رەتتەۋدى 2023 جىلدىڭ 30 ماۋسىمىنا دەيىن ۇزارتۋ ۇسىنىلادى.

مەملەكەت باسشىسىنىڭ 2022 جىلعى 5 قاڭتارداعى تاپسىرماسى بويىنشا اگەنتتىك اۆتوگاز قۇيۋ ستانتسيالارىنان سۇيىتىلعان مۇناي گازىن بولشەك ساۋدادا وتكىزۋگە شەكتى باعالار ەنگىزىپ، ۋاقىتشا مەملەكەتتىك باعالىق رەتتەۋ ەنگىزدى. وڭىرگە بايلانىستى ليترىنە - 70 تەڭگەگە دەيىن»، - دەلىنگەن اشىق تالقىعا شىعارىلعان قۇجاتتا.

Abai.kz