بۇگىن الماتى-2 ۆوكزالىنىڭ شاتىرى ورتەنگەنى حابارلاندى. 

«29 قاراشا كۇنى ساعات 14:08-دە الماتى قالاسى جەتىسۋ اۋدانى ابىلايحان داڭعىلى، 1 مەكەنجايىندا ورنالاسقان الماتى-2 ۆوكزالىنىڭ عيماراتى، اتاپ ايتقاندا ۆوكزال عيماراتىنىڭ توبەسى ورتەنىپ جاتقانى تۋرالى حابار ءتۇستى. وقيعا ورنىندا توتەنشە جاعدايلار دەپارتامەنتىنىڭ قىزمەتكەرلەرى - جەكە قۇرامنان 43 ادام جانە 14 تەحنيكا جۇمىس ىستەپ جاتىر. 100 شارشى مەتر اۋماقتا ۆوكزالدىڭ باس عيماراتى شاتىرىنىڭ اعاشى ورتەندى. ادامدار عيماراتتان ءوز بەتىنشە شىعىپ كەتتى، ەشكىم زارداپ شەككەن جوق»، - دەپ حابارلادى توتەنشە جاعدايلار مينيسترلىگى.

ءورت ساعات 14:50-دە ءورت تولىق ءسوندىرىلدى.

ۆوكزال شتاتتىق رەجيمدە جۇمىس ىستەپ تۇر. پويىزداردىڭ كەشىگۋى بولعان جوق.

Abai.kz