كلەبانوۆ ەكىباستۇز جەو-نى مەملەكەتكە ءبىر تەڭگەگە ساتپاق. بۇل تۋرالى بۇل تۋرالى ءماجىلىس دەپۋتاتى ەرلان سايروۆ ايتتى.

«قازاقستاننىڭ ءار ازاماتى وسىنداي مۇلىك ءۇشىن جاۋاپتى بوۋلى كەرەك. ەگەر كلەبانوۆ وسى نىسانداردى مەملەكەتكە قايتاراتىن بولسا، حالىققا جانە مەملەكەتكە كەلتىرىلگەن زالالدى وتەۋى كەرەك. ەكى كۇن بۇرىن اكىمدىكتە جينالىس بولدى، وعان كلەبانوۆ تا كەلدى. سول كەزدە وسى جايىندا وعان ايتتىق. ونىڭ ايتۋىنشا، اتالعان نىساندى ءبىر تەڭگەگە مەملەكەتكە ساتپاق. ءبىز ءوز كەزەگىمىزدە ولاي بولمايتىنىن، ياعني ءبىرىنشى كەزەكتە كاسىپورىندى يەلىككە العان كەزدە ونىڭ جاعدايى مەن قازىرگى احۋالىن سالىستىرىپ، سونىڭ ايىرماشىلىعىن انىقتاپ الۋدى تالاپ ەتتىك. وسى ورايدا كاسىپكەر بۇل ايىرماشىلىقتى تولەۋى ءتيىس، سونداي-اق ەكىباستۇزدىڭ تۇرعىندارىنا كەلگەن شىعىندى وتەپ بەرۋى كەرەك»، - دەدى ە. سايروۆ.

بۇدان بۇرىن 27 قاراشادا ەكىباستۇز جىلۋ ەلەكتر ورتالىعىندا اپات بولىپ، قالا تۇرعىندارى قاقاعان ايازدا جىلۋسىز قالدى.

قالادا توتەنشە جاعداي جاريالاندى. مەملەكەت باسشىسى قاسىم-جومارت توقاەۆ پرەمەر-مينيستر ءاليحان سمايلوۆقا ەلىمىزدىڭ قالالارىنداعى پروبلەما ءجيى تۋىندايتىن ەنەرگەتيكالىق اكتيۆتەردى مەملەكەت مەنشىگىنە قايتارۋ ماسەلەسىن قاراستىرۋدى تاپسىردى.

Abai.kz