2013 جىلدىڭ 17 اقپانى كۇنى «مەگا اقتوبە» ساۋدا ويىن-ساۋىق ورتالىعىنىڭ ءۇشىنشى قاباتىندا ورنالاسقان «Taksim food» كافەسىندە وزىمە كارتوپ الۋعا كەزەكتە تۇرعانمىن. سول كەزدە شاشىن سارىعا بوياعان 30-40 جاس شاماسىنداعى ءبىر ايەل «گدە ۆاشا ادمينيستراتور؟» دەپ كەلە سالا بارلىق ادامداردىڭ نازارىن وزىنە اۋدارىپ، ايقايعا باستى. سويتسەك جاعداي بىلاي ەكەن: ءسال عانا ۋاقىت بۇرىن كىشكەنتاي قىزىن الدەبىر زات الۋعا جۇمساپتى. قىزدىڭ ءتۇرى قازاقتان اينىمايتىن بولعان سوڭ، قازاق دەپ ويلاسا كەرەك، ساتۋشى قىزداردىڭ ءبىرى وعان قازاقشا سويلەپتى. الگى كىشكەنتاي قىز سول بويدا «ماعان قازاقشا سويلەدى» دەپ شەشەسىنە بارىپ شاعىمدانىپتى. بار داۋ سودان باستالعان ەكەن. اشۋعا بۋلىققان الگى ايەلدىڭ (1-سۋرەتتە) اۋزىنان اق يت كىرىپ، كوك يت شىعىپ جاتتى. «ءبىلىمسىز، كورگەنسىز، تاربيەسىز. نەگە ونداي ادامداردى قىزمەتكە الادى؟ ۇلتشىلدىق ماسەلە كوتەرىپ جاتسىڭدار. مەنىڭ قىزىما قازاقشا سويلەمەسەڭ قىزمەت كورسەتپەيمىن دەپ ايتىپتى. قازاقستاندا تۇرىپ ەكى تىلدە سويلەۋ كەرەك» دەپ اۋزىنا كەلگەنىن كوكىپ، قازاقتىڭ نامىسىنا تيەتىن سوزدەردىڭ نەشە ءتۇرىن ايتىپ، جاۋ جاپقانداي قىلىپ جاتتى. قازاق قىزدار بولسا «ءبىز ولاي دەپ ايتقان جوقپىز» دەپ اقتالىپ الەك. جاعدايعا ارالاسپاسام بولمايتىنىن ءتۇسىندىم. سەبەبى الگىنىڭ جالعىز ءوزى بىرنەشە قازاق قىزىن ءتۇتىپ جەپ بارا جاتىر.

2013 جىلدىڭ 17 اقپانى كۇنى «مەگا اقتوبە» ساۋدا ويىن-ساۋىق ورتالىعىنىڭ ءۇشىنشى قاباتىندا ورنالاسقان «Taksim food» كافەسىندە وزىمە كارتوپ الۋعا كەزەكتە تۇرعانمىن. سول كەزدە شاشىن سارىعا بوياعان 30-40 جاس شاماسىنداعى ءبىر ايەل «گدە ۆاشا ادمينيستراتور؟» دەپ كەلە سالا بارلىق ادامداردىڭ نازارىن وزىنە اۋدارىپ، ايقايعا باستى. سويتسەك جاعداي بىلاي ەكەن: ءسال عانا ۋاقىت بۇرىن كىشكەنتاي قىزىن الدەبىر زات الۋعا جۇمساپتى. قىزدىڭ ءتۇرى قازاقتان اينىمايتىن بولعان سوڭ، قازاق دەپ ويلاسا كەرەك، ساتۋشى قىزداردىڭ ءبىرى وعان قازاقشا سويلەپتى. الگى كىشكەنتاي قىز سول بويدا «ماعان قازاقشا سويلەدى» دەپ شەشەسىنە بارىپ شاعىمدانىپتى. بار داۋ سودان باستالعان ەكەن. اشۋعا بۋلىققان الگى ايەلدىڭ (1-سۋرەتتە) اۋزىنان اق يت كىرىپ، كوك يت شىعىپ جاتتى. «ءبىلىمسىز، كورگەنسىز، تاربيەسىز. نەگە ونداي ادامداردى قىزمەتكە الادى؟ ۇلتشىلدىق ماسەلە كوتەرىپ جاتسىڭدار. مەنىڭ قىزىما قازاقشا سويلەمەسەڭ قىزمەت كورسەتپەيمىن دەپ ايتىپتى. قازاقستاندا تۇرىپ ەكى تىلدە سويلەۋ كەرەك» دەپ اۋزىنا كەلگەنىن كوكىپ، قازاقتىڭ نامىسىنا تيەتىن سوزدەردىڭ نەشە ءتۇرىن ايتىپ، جاۋ جاپقانداي قىلىپ جاتتى. قازاق قىزدار بولسا «ءبىز ولاي دەپ ايتقان جوقپىز» دەپ اقتالىپ الەك. جاعدايعا ارالاسپاسام بولمايتىنىن ءتۇسىندىم. سەبەبى الگىنىڭ جالعىز ءوزى بىرنەشە قازاق قىزىن ءتۇتىپ جەپ بارا جاتىر. «ءوزىڭىز ايتقانداي قازاقستاندا تۇرىپ ەكى تىلدە سويلەۋ مىندەت بولسا، ءسىزدىڭ قىزىڭىز نەگە قازاقشا سويلەمەيدى؟»، دەپ سۇراقتى توتەسىنەن قويدىم ورىسشالاپ. «سەبەبى ول - ورىس»، دەپ ورىسشالاپ جاۋاپ بەردى. «ورىس بولسا نە بولىپتى؟ ول دا قازاقستاننىڭ ازاماتى ەمەس پە؟» دەپ سۇراعىمدى قايىرا قويىپ ەدىم ول مەنىڭ سۇراعىما تۋرا جاۋاپ بەرۋدەن قاشقاقتاپ، «مەن مۇنى تەلەۆيدەنيەدە كوتەرەمىن. بۇل نە دەگەن ماسقارا!»، دەپ الگى «قازاق تىلىندە قىزمەت كورسەتكەن» قازاق قىزىنىڭ اتى-ءجونىن سۇراپ، ۇستىنەن شاعىم جازامىن دەپ قولىنا قاعاز بەن قالام الىپ جازۋعا كىرىسىپ كەتتى (3-سۋرەتتە). سول ارالىقتا الگى ورىس ايەلدى سۋرەتكە ءتۇسىرىپ تە ۇلگەردىم. «سەن سياقتىلاردىڭ كەسىرىنەن سوعىس باستالادى» دەپ مەنىڭ وزىمە سوزبەن تيىسە باستادى. مەن دا شامام كەلگەنشە بار بىلەتىن ورىسشامنىڭ باسىن قۇراپ جاۋاپ بەرىپ جاتىرمىن. «قازاقستان كوپ ۇلتتى مەملەكەت» دەپ سوعادى. سونداعى ايتپاعى، سەندەر ۇلتتىق مەملەكەت قۇرا المايسىڭدار دەگەنى.
ءيا، راسىمەن دا 16 ميلليوننان استام حالقى بار قازاقستاندا 130 دان استام ۇلت وكىلى تۇرادى. ال 7 ميلليون حالقى بار ءبىر عانا لوندون قالاسىندا 400 دەن استام ۇلت وكىلى تۇرادى. بىراق «كوپ ۇلتتى لوندون» دەگەندى قايدان كەزدەستىردىك؟ تاۋەلسىزدىك العانىمىزعا 22 جىل بولسا دا ءوز ەلىمىزدە ءوز تىلىمىزدە سويلەگەنىمىز ءۇشىن جازىقتى بولاتىن جاعدايعا جەتكەنىمىز بە سوندا؟ مۇنداي ۇلتقا قاتەر توندىرەتىن ارانداتۋشىلىق، قازاقتىڭ نامىسىنا تيەتىن ارەكەتتەر قاشانعا دەيىن جالعاسا بەرمەك؟

سونىمەن نە كەرەك، الگى ايەل شاعىم حاتىن جازىپ، قازاقشا سويلەگەن قىزدىڭ اتى-ءجونىن كورسەتىپ شاعىم جاشىگىنە سالىپ كەتتى. «سەن مەنى سۋرەتكە تۇسىرگەندە مەنىڭ سەنى تۇسىرۋگە حاقىم جوق پا؟»، دەپ مەنى دە ۇيالى تەلەفونىنا سۋرەتكە ءتۇسىرىپ الدى. «مولوكوسوس» دەدى، باسقا دەدى، ايتەۋىر مەنىڭ دە ۇلتتىق نامىسىما تيەتىن سوزدەرىن ايتىپ جونىنە كەتتى. مەن «قازاقشا سويلەپ جازىقتى بولعان» الگى ساتۋشى قىزعا ارەكەتىنىڭ دۇرىستىعىن ايتىپ، وزىمشە قولداۋ ءبىلدىردىم. ايتپاقشى، الگى «قازاقستاندا تۇرىپ قازاقشا سويلەگەنى ءۇشىن جازىقتى بولعان قازاق قىزىنىڭ ەسىمى - ەلميرا(4-سۋرەتتە). بويىندا ۇلتتىق نامىسى ساقتالعان وسىنداي قازاق قىزدارى كوپ بولسىن.

P.S.
ەڭ جانىما باتقانى، سول جەردە قانشاما قازاقتىڭ قىز-جىگىتتەرى، اعا-اپالارى تۇرسا دا بىردە-ءبىر ادام مەنى قولداپ سويلەمەدى... الگى ايەلگە دە قولداۋ كورسەتكەن ەشكىم بولمادى. مۇننان تۇيگەنىم قازاقتىڭ ءالى دە بولسا ۇلت ماسەلەسىنە سەلقوس قارايتىندىعى. مۇنداي سەلقوستىق بىزگە ابىروي اپەرمەيدى...

ورالبەك بەي وتەعۇلوۆ،
اقتوبە قالاسى.
اbai.kz