رەيتينگ.kz زەرتتەۋ ورتالىعى «قازاقستان-2050» ستراتەگياسىنا قاتىستى شارالاردىڭ ساياسي توپتاماسىنا بايلانىستى ماڭىزدىلارىن انىقتادى. ماڭىزدى بولعانىمەن دە اتقارىلۋى قيىن ماسەلەلەر دە بار. سونىڭ ءبىرى ۇشتىلدىلىكتى ىنتالاندىرۋعا باعىتتالعان شارالاردى جاساۋ (3,38) دەيدى رەيتينگ.kz زەرتتەۋ ورتالىعىنىڭ رەسپوندەنتتەرى

سونىمەن، اتالعان زەرتتەۋ ورتالىعىنىڭ مالىمەتىنە سۇيەنسەك،  «قازاقستان-2050» ستراتەگياسىن جۇزەگە اسىرۋداعى ساياسي شارالاردىڭ جەتەۋى ەڭ وزەكتى دەپ تانىلدى. ولار:

رەيتينگ.kz زەرتتەۋ ورتالىعى «قازاقستان-2050» ستراتەگياسىنا قاتىستى شارالاردىڭ ساياسي توپتاماسىنا بايلانىستى ماڭىزدىلارىن انىقتادى. ماڭىزدى بولعانىمەن دە اتقارىلۋى قيىن ماسەلەلەر دە بار. سونىڭ ءبىرى ۇشتىلدىلىكتى ىنتالاندىرۋعا باعىتتالعان شارالاردى جاساۋ (3,38) دەيدى رەيتينگ.kz زەرتتەۋ ورتالىعىنىڭ رەسپوندەنتتەرى

سونىمەن، اتالعان زەرتتەۋ ورتالىعىنىڭ مالىمەتىنە سۇيەنسەك،  «قازاقستان-2050» ستراتەگياسىن جۇزەگە اسىرۋداعى ساياسي شارالاردىڭ جەتەۋى ەڭ وزەكتى دەپ تانىلدى. ولار:

• الەۋمەتتىك، ەتنوستىق جانە ءدىني شيەلەنىستەر مەن قاقتىعىستاردى ەڭسەرۋدىڭ جاڭا سەنىمدى مەحانيزمدەرىن جاساۋ (6,26)
• جەكەمەنشىك قۇقىعى، شارتتىق مىندەتتەمەلەردى قورعاۋعا كەپىلدىك بەرۋ مەن ولاردى بۇزعانى ءۇشىن جاۋاپكەرشىلىكتى كۇشەيتۋ تۋرالى زاڭدى قابىلداۋ (6,23)
• ءدىني ەكسترەميزممەن جانە تەرروريزممەن كۇرەس جونىندەگى مەملەكەتتىك باعدارلاما دايىنداۋ (6,14)
• شەكارا قىزمەتىن دامىتۋدىڭ جانە مەملەكەتتىك شەكارانى ورتا مەرزىمدى كەزەڭدە ورنىقتىرۋدىڭ ارنايى كەشەندى جوسپارىن ازىرلەۋ (6,03)
• جەرگىلىكتى جەرلەردەگى بيلىك ورگاندارىنىڭ ءتيىستى وكىلەتتىكتەرىن نىعايتۋدى كوزدەيتىن جاۋاپكەرشىلىك جانە وكىلەتتىكتەردى ورتالىق پەن وڭىرلەر اراسىندا ءبولۋ جونىندە زاڭدى قابىلداۋ (5,97)
• جەرگىلىكتى باسقارۋدى دامىتۋ ماسەلەلەرى، سونىڭ ىشىندە اۋىل اكىمدەرىنىڭ سايلانبالىلىعى تۋرالى زاڭدى قابىلداۋ (5,91)
• جەمقورلىقتى قۇبىلىس رەتىندە الدىن الۋ مەن جويۋ ءۇشىن جەمقورلىقپەن كۇرەستى قىلمىستىق جاۋاپكەرشىلىكپەن كۇشەيتۋ ارقىلى جەمقورلىققا قارسى زاڭنامالاردى جەتىلدىرۋ (5,91)

كورىپ وتىرعانىمىزداي، شارالاردىڭ ىشىندەگى ايقىندالعان جەتەۋى ۇلتتىق قاۋىپسىزدىك پەن ءتارتىپتى قامتاماسىز ەتۋگە باعىتتالادى. بۇل 2011-2012جج.  قازاقستاننىڭ تۇراقتىلىعى مەن قاۋىپسىزدىگى ءۇشىن قاۋىپ-قاتەرلەر فاكتورىمەن بايلانىستى جايتتاردى اڭعارتسا كەرەك. سوندىقتان قوعام مەن مەملەكەت ءۇشىن اتالعان قاتەرلەردىڭ الدىن الۋعا ارنالعان شارالار وتە قاجەت.

شەكارا قىزمەتىن دامىتۋدىڭ جانە مەملەكەتتىك شەكارانى ورتا مەرزىمدى كەزەڭدە ورنىقتىرۋدىڭ ارنايى كەشەندى جوسپارى وتكەن جىلى شەكارا اسكەرىندە ورىن العان قايعىلى وقيعالارعا («ارقانكەرگەن» شەكارا بەكەتىندەگى جەكە قۇرامنىڭ جويۋلۋىنان باستاپ اۋە اپاتتىنىڭ سالدارىنان شەكارا اسكەرىنىڭ باسشىلىق قۇرامىنىڭ قازا بولۋىنا دەيىن) ەل باسشىلىعىنىڭ تاراپىنان كۇتىلگەن جاۋاپ بولىپ تابىلماق.

دەيتۇرعانمەن، رەسپوندەنتتەردىڭ باعالاۋى بويىنشا وزەكتىلىكتىڭ ەڭ جوعارعى دەڭگەيى  «قازاقستان-2050» ستراتەگياسىنىڭ ساياسي توپتاماسىنداعى شارالاردىڭ ءساتتى جۇزەگە اسۋىنا كەپىل بولا المايدى. سولاردىڭ كوبىسى ەكىنشى ولشەمگە سايكەس ورتاشادان تومەن (4 بالل) ەكەنى بايقالادى. تەك قر ۇقك شەكارا قىزمەتىن كۇشەيتۋ مەن نىعايتۋ (4,4 بالل) جانە ءدىني ەكسترەميزممەن جانە تەرروريزممەن كۇرەس جونىندەگى مەملەكەتتىك باعدارلاما دايىنداۋ (4,2 بالل) شارالارى ءساتتى جۇزەگە اسادى دەپ سەنۋگە بولادى.

رەسپوندەنتتەردىڭ باعالاۋى بويىنشا ءساتتى ورىندالۋدىڭ تومەنگى دەڭگەيىنە مىناداي شارالار ورنالاستى:

• جالپىۇلتتىق دۇنيەتانىمدىق قۇندىلىقتار مەن قازاقستاندىق بىرەگەيلىكتى نىعايتۋدا ۇلتتىق ينتەلليگەنتسيانىڭ ءرولىن ارتتىرۋ (2,97)
• ايماقتاعى تارتىستى جاعدايدىڭ العىشارتتارىن جويۋ ماقساتىندا پراگماتيكالىق پرينتسيپتەرگە نەگىزدەلگەن ايماقىشىلىك بىرىگۋ ارقىلى ايماقتىق قاۋىپسىزدىكتى (ونىڭ ىشىندە ورتالىق ازيا) نىعايتۋ مەحانيزمدەرىن جەتىلدىرۋ (3,09)
• اۋعانستان ماسەلەسىن تەزىرەك ساياسي رەتتەۋگە جانە قايتا قالپىنا كەلتىرۋ ۇردىسىنە قاتىسۋ (3,26)
• ۇشتىلدىلىكتى ىنتالاندىرۋعا باعىتتالعان شارالاردى جاساۋ (3,38)
• جەكەمەنشىك قۇقىعى، شارتتىق مىندەتتەمەلەردى قورعاۋعا كەپىلدىك بەرۋ مەن ولاردى بۇزعانى ءۇشىن جاۋاپكەرشىلىكتى كۇشەيتۋ تۋرالى زاڭدى قابىلداۋ (3,4)
• قازاقستان ازاماتتارىن قۇقىقتىق قورعاۋدى، ولاردىڭ شەتەلدەردەگى جەكە، وتباسىلىق، ىسكەرلىك مۇددەلەرىن قورعاۋدى كۇشەيتۋ (3,43)
• جەمقورلىقتى قۇبىلىس رەتىندە الدىن الۋ مەن جويۋ ءۇشىن جەمقورلىقپەن كۇرەستى قىلمىستىق جاۋاپكەرشىلىكپەن كۇشەيتۋ ارقىلى جەمقورلىققا قارسى زاڭنامالاردى جەتىلدىرۋ (3,47)
• الەۋمەتتىك، ەتنوستىق جانە ءدىني شيەلەنىستەر مەن قاقتىعىستاردى ەڭسەرۋدىڭ جاڭا سەنىمدى مەحانيزمدەرىن جاساۋ (3,51)
• ەتنوستىق ەرەكشەلىكتەرىنە بايلانىستى ديسكريميناتسياعا ۇشىراماۋى ءۇشىن اكىمشىلىك زاڭنامانىڭ تيىمدىلىگىن ارتتىرۋ (3,51)
• قازاقستان رەسپۋبليكاسى پارلامەنتىنىڭ وكىلەتتىكتەرىن كۇشەيتۋ (3,53)
• قازاق ءتىلىن دارىپتەۋ مەن ونى جاڭعىرتۋعا باعىتتالعان، ونىڭ ىشىندە تەرمينولوگيالىق جۇمىستى جەتىلدىرۋ ارقىلى كەشەندى شارالاردى جۇزەگە اسىرۋ (3,54)

الداعى ۋاقىتتا «رەيتينگ.kz» زەرتتەۋ اگەنتتىگى «قازاقستان-2050» ستراتەگياسىنا قاتىستى شارالاردىڭ الەۋمەتتىك جانە ەكونوميكالىق توپتاماسىنىڭ رەيتينگىسىن نازارعا ۇسىنادى.

Abai.kz