قاراساي اۋداندىق سوتىندا قازاق ۇلتتىق قىزدار پەداگوگيكالىق ۋنيۆەرسيتەتىنىڭ 9 گەكتار جەرىن جىمقىرۋ ءىسى بويىنشا بەس سوتتالۋشىعا قاتىستى قىلمىستىق ءىس قارالدى.

سوت انىقتاعانداي، قازاق ۇلتتىق قىزدار پەداگوگيكالىق ۋنيۆەرسيتەتىنە تۇراقتى جەر پايدالانۋ قۇقىعىنا الماتى وبلىسى، قاراساي اۋدانى، كەمەرتوعان اۋىلىنان 9 گا جەر تەلىمى بەرىلدى. 2018 جىلى سوتتالۋشى ۋنيۆەرسيتەت رەكتورى بولا تۇرا، ءوز اعاسىن كەڭەسشى قىزمەتىنە تاعايىندادى. 2018 جىلدىڭ ناۋرىز ايىندا ولار ۋنيۆەرسيتەتتىڭ مەنشىگىندەگى جەر تەلىمىن زاڭسىز يەلىكتەن شىعارۋ ءۇشىن قىلمىسقا باردى.

2018 جىلدىڭ ناۋرىز ايىنىڭ سوڭىندا رەكتوردىڭ اعاسى جەر كاداسترى جانە جىلجىمايتىن مۇلىك ءبولىمىنىڭ باسشىسىنا جۇگىنگەن. ول ءوز كەزەگىندە ءوزىنىڭ ورىنباسارىن، سونداي-اق ماماندى قىلمىستىق جوسپارعا تارتتى.

وسى تۇلعالار 2021 جىلدىڭ قاڭتارىندا قىلمىس ىزدەرىن جاسىرۋ جانە جەر ۋچاسكەسىن ۋنيۆەرسيتەت بالانسىنا جالعان قايتارۋ ماقساتىندا مەملەكەتتىڭ جەر قورىنان قۇقىق بەلگىلەيتىن قۇجاتتارسىز سانيتارلىق ايماقتاعى جانە جەكە مەنشىككە بەرۋگە جاتپايتىن كولدى كەنتىندە ورنالاسقان جەر ۋچاسكەسىن زاڭسىز بولگەن.

تەرگەۋ بارىسىندا سوتتالعانداردىڭ بوگدە تۇلعالارعا زاڭسىز رەسىمدەلگەنى، ۋنيۆەرسيتەتتىڭ 9 گا جەر ۋچاسكەسىن ءبولىپ جانە ادال ساتىپ الۋشىلارعا ساتقانى دالەلدەندى. ناتيجەسىندە ۋنيۆەرسيتەتكە 95,5 ميلليون تەڭگە شىعىن كەلتىرىلدى.

قاراساي اۋداندىق سوتىنىڭ ۇكىمىمەن قازاق ۇلتتىق قىزدار پەداگوگيكالىق ۋنيۆەرسيتەتىنىڭ بۇرىنعى رەكتورى گ.الدامبەرگەنوۆا، رەكتوردىڭ كەڭەسشىسى ق. قوجانتاەۆ (الدامبەرگەنوۆانىڭ تۋعان اعاسى) جانە قاراساي اۋداندىق جەر كاداسترى جانە جىلجىمايتىن مۇلىك ءبولىمىنىڭ باسشىسى ا. جۋرۋنوۆ كىنالى دەپ تانىلىپ، 7 جىلعا باس بوستاندىعىنان ايىرىلدى.

سول ۇكىممەن قاراساي اۋداندىق جەر كاداسترى جانە جىلجىمايتىن مۇلىك ءبولىمىنىڭ ءبولىمى باسشىسىنىڭ ورىنباسارى د. ءجۇمادىل مەن ءبولىم مامانى ە. كەمال شارتتى تۇردە 7 جىلعا باس بوستاندىعىنان ايىرىلدى.

بارلىق سوتتالعاندارعا مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرۋ تۇرىندەگى جازا قولدانىلدى.

ەسكە سالايىق 2021 جىلى قازاندا قازاق ۇلتتىق قىزدار پەداگوگيكالىق ۋنيۆەرسيتەتىنە تيەسىلى جەر ۋچاسكەسىن يەمدەنىپ، ساتىپ جىبەردى دەگەن كۇدىكپەن بىرقاتار لاۋازىمدى تۇلعا ۇستالعان بولاتىن.

Abai.kz