بۇرىنعى ادىلەت ءمينيسترى قانات مۋسين كونستيتۋتسيالىق سوتتىڭ سۋدياسى قىزمەتىنە تاعايىندالدى. 2021 جىلى قر جوعارعى سوتىنىڭ سۋدياسى، 2021-2022 جىلدارى قازاقستان رەسپۋبليكاسى جوعارعى سوتىنىڭ اكىمشىلىك ىستەر جونىندەگى سوت القاسىنىڭ توراعاسى قىزمەتتەرىن اتقارعان. 2022 جىلدىڭ قاڭتار ايىنان باستاپ قازاقستان رەسپۋبليكاسىنىڭ ادىلەت ءمينيسترى بولعان.

بۇدان بۇرىن حابارلانعانداي، بۇگىن ماجىلىستە قر كونستيتۋتسيالىق سوتىنىڭ سۋدياسى لاۋازىمىنا قانات سەرگەيۇلى مۋسين، ەركىن ءانۋارۇلى وڭعارباەۆ جانە سەرگەي فەدوروۆيچ ۋدارتسەۆ تاعايىندالدى.

مەملەكەت باسشىسىنىڭ جارلىعىمەن قانات سەرگەيۇلى مۋسين قازاقستان رەسپۋبليكاسىنىڭ ادىلەت ءمينيسترى لاۋازىمىنان بوساتىلدى.

29 جەلتوقسان كۇنى پرەزيدەنت قاسىم-جومارت توقاەۆ كونستيتۋتسيالىق سوتتىڭ توراعاسى قىزمەتىنە ەلۆيرا ابىلحاسىمقىزى ازيموۆانى ۇسىندى.

سەنات دەپۋتاتتارى اشىق داۋىس بەرۋ ارقىلى ە. ازيموۆانىڭ كانديداتۋراسىن ءبىراۋىزدان قولدادى. كونستيتۋتسياعا سايكەس پارلامەنتتىڭ ءار پالاتاسى كونستيتۋتسيالىق سوتتىڭ ءۇش سۋدياسىن قىزمەتكە تاعايىندايدى. ولار ءوز قىزمەتىنە 2023 جىلدىڭ 1 قاڭتارىنان باستاپ كىرىسەدى.

سەناتتىڭ جىلپى وتىرىسىندا قر كونستيتۋتسيالىق سوتتىڭ سۋديالارى تاعايىندالدى.

Abai.kz