الماتى. 12 تامىز. قازتاگ – يگور كيندوپ. «اليانس بانك» اق سوڭعى اكتسيونەرى مارعۇلان سەيسەمباەۆ «سامۇرىق-قازىنا» ۇلتتىق ءال-اۋقات قورى (ۇاق) باسقارماسىنىڭ توراعاسى قايرات كەلىمبەتوۆپەن اڭگىمەسىندە بانك كاپيتالىندا «تەسىك» بارلىعى تۋرالى ءسوز اراسىندا عانا ايتىپ كەتتى. بۇل تۋرالى قر قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتىگىنىڭ (ققا) توراعاسى ەلەنا باحمۋتوۆا سارسەنبى كۇنگى ءباسپاسوز ءماسليحاتىندا حابارلادى.

«سەيسەمباەۆ مىرزامەن اڭگىمە مەنىڭ كابينەتىمدە بولدى. بۇل 1-ءشى اقپان كۇنى، ۇكىمەتتىڭ بتا بانكتى قوسىمشا كاپيتالداۋ تۋرالى شەشىم قابىلدار قارساڭىندا بولدى. سەيسەمباەۆ پەن كەلىمبەتوۆ مىرزالار سويلەسىپ وتىردى. «سامۇرىق-قازىنا» 24 ملرد كولەمىندەگى قارجىنى اليانس بانككە دەپوزيتكە ورنالاستىرۋ شارتتارىن تالقىلانىپ جاتتى. سەيسەمباەۆ بانك اكتسيونەرى جانە ديرەكتورلار كەڭەسىنىڭ توراعاسى رەتىندە بۇل دەپوزيت كەلىسىمدە كورسەتىلگەن ماقساتتان باسقاعا جاراتىلمايتىنى تۋرالى جەكە كەپىلدىك پەن مىندەتتەر بەرىپ جاتتى. وسى اڭگىمە بارىسىندا سەيسەمباەۆ مىرزا ءسوز اراسىندا، مەن ءدال قايتالاسام، «سىزدەر بانكتە 700 ملن دوللارلىق تەسىك بار ەكەنىن ەسكەرىڭىزدەر» دەپ ايتتى... ول كەزدە  $1,1 ملرد-تىق ەشقانداي قۇندى قاعازدار تۋرالى ايتىلعان ەمەس»، - دەدى ول سارسەنبى كۇنى ققا-دە وتكەن ءباسپاسوز ءماسليحاتىندا.

الماتى. 12 تامىز. قازتاگ – يگور كيندوپ. «اليانس بانك» اق سوڭعى اكتسيونەرى مارعۇلان سەيسەمباەۆ «سامۇرىق-قازىنا» ۇلتتىق ءال-اۋقات قورى (ۇاق) باسقارماسىنىڭ توراعاسى قايرات كەلىمبەتوۆپەن اڭگىمەسىندە بانك كاپيتالىندا «تەسىك» بارلىعى تۋرالى ءسوز اراسىندا عانا ايتىپ كەتتى. بۇل تۋرالى قر قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتىگىنىڭ (ققا) توراعاسى ەلەنا باحمۋتوۆا سارسەنبى كۇنگى ءباسپاسوز ءماسليحاتىندا حابارلادى.

«سەيسەمباەۆ مىرزامەن اڭگىمە مەنىڭ كابينەتىمدە بولدى. بۇل 1-ءشى اقپان كۇنى، ۇكىمەتتىڭ بتا بانكتى قوسىمشا كاپيتالداۋ تۋرالى شەشىم قابىلدار قارساڭىندا بولدى. سەيسەمباەۆ پەن كەلىمبەتوۆ مىرزالار سويلەسىپ وتىردى. «سامۇرىق-قازىنا» 24 ملرد كولەمىندەگى قارجىنى اليانس بانككە دەپوزيتكە ورنالاستىرۋ شارتتارىن تالقىلانىپ جاتتى. سەيسەمباەۆ بانك اكتسيونەرى جانە ديرەكتورلار كەڭەسىنىڭ توراعاسى رەتىندە بۇل دەپوزيت كەلىسىمدە كورسەتىلگەن ماقساتتان باسقاعا جاراتىلمايتىنى تۋرالى جەكە كەپىلدىك پەن مىندەتتەر بەرىپ جاتتى. وسى اڭگىمە بارىسىندا سەيسەمباەۆ مىرزا ءسوز اراسىندا، مەن ءدال قايتالاسام، «سىزدەر بانكتە 700 ملن دوللارلىق تەسىك بار ەكەنىن ەسكەرىڭىزدەر» دەپ ايتتى... ول كەزدە  $1,1 ملرد-تىق ەشقانداي قۇندى قاعازدار تۋرالى ايتىلعان ەمەس»، - دەدى ول سارسەنبى كۇنى ققا-دە وتكەن ءباسپاسوز ءماسليحاتىندا.

بانكتە جۇرگىزىلگەن تەكسەرىس ناتيجەسىندە بۇرىنعى توپ-مەنەدجەرلەر جومارت ەرتاەۆ پەن الەكسەي اگەەۆ قول قويعان قۇجاتتار تابىلعاندا، بارلىق ءۇش فيگۋرانت تا ققا-عا ەشقانداي كەلىسىم-شارت تۋرالى حابارى جوق ەكەنىن مالىمدەدى.

«بانكتە ەشقانداي قۇجات بولماعانى سەبەپتى ءبىز ەرتاەۆ پەن اگەەۆتىڭ قولى بار ءبىر عانا قۇجات تاپتىق. سوندىقتان وسى تەكسەرىس قورتىندىسى بويىنشا، ءساۋىردىڭ باسىندا ءبىز بارلىق فيگۋرانتتاردان – ەرتاەۆ، اگەەۆ جانە سەيسەمباەۆتان سۇرادىق. ولار تاڭقالارلىق بىراۋىزدىلىقپەن بىزگە ەشنارسە بىلمەيتىندىگى، ەش نارسەگە قاتىسپاعانى تۋرالى ايتىپ جانە ەشقانداي مالىمەتتەرىمىز جوق دەپ جاۋاپ بەردى. قازىر جاريالانىپ جاتقاندار – سونى جاريالاپ جۇرگەندەردىڭ ۇياتىنىڭ ءىسى بولسىن»، - دەدى ە. باحمۋتوۆا.

«2008 جىلدىڭ باسىندا ءبىز تىكەلەي اليانس بانكتىڭ ديرەكتورلار كەڭەسى مەن ءىرى اكتسيونەرلەرگە جاعدايات ونشا كوڭىل كونشىتەرلىك ەمەس جانە وتىمدىلىگى بار قاعاز بار، بىراق ونىڭ تاۋەكەلدىگى دە بار دەگەن الاڭداۋشىلىعىمىزدى بىلدىردىك. وعان ءبىز، ول قاعازدار اسا سەنىمدى جانە ءوتىمدى، جانە بانككە تيەسىلى دەگەن كوز جەتكىزەرلىك جاۋاپ الدىق. ول از دەسەڭىز، ءبىز جىل بويىنا، بانكتە وتىمدىلىككە قاتىستى ەلەۋلى پروبلەما تۋىنداعاندا، جانە اليانس بانك ۇلتتىق بانكتەن قاراجات سۇراعاندا، نەگە بانككە تيەسىلى قۇندى قاعاز ساتىلمايدى دەگەن ساۋال قوياتىنبىز؟ وعان جاۋاپ رەتىندە بانك مەنەدجمەنتى شاتاسا، اۋىزشا تۇردە، بۇل سىرتقى كەلىسىم بويىنشا كوۆەنانت بولىپ تابىلادى، جانە سوندىقتان بانك، بانك اكتيۆتەرىنىڭ وتىمدىلىك دەڭگەيىن ەڭ تومەنگى دەڭگەيدە ۇستاپ تۇرۋى ءتيىس دەپ تۇسىندىرەتىن»، - دەيدى ققا باسشىسى. 

بۇل رەتتە ول، م. سەيسەمباەۆ ءوزىنىڭ اشىق حاتىندا ايتقان بريدج-قارجىلاندىرۋعا قر زاڭناماسىمەن تىكەلەي تىيىم سالىنعانىن اتاپ ءوتتى.

«بريدج-قارجىلاندىرۋ دەگەنگە تىيىم سالىنعان. قارىزعا الىنعان اقشا ەسەبىنەن اكتسيونەرلىك كاپيتال قۇرۋعا تىيىم سالىنعان، سۋبوردينيرلەنگەن قارىز ارقىلى قارىزعا كاپيتال تارتۋعا بولادى، ال وسىنداي جولمان بانك كاپيتالىنا قۇر جەل ءۇرۋ – مەنىڭ ايتارعا ءسوزىم جوق»، - دەپ قورتىندىلادى ە. باحمۋتوۆا.

اليانس بانك اكتيۆتەرىنىڭ كولەمى بويىنشا قازاقستان بانكتەرىنىڭ اراسىندا التىنشى ورىندى الادى. ققا مالىمەتتەرىنە سايكەس، 2009 جىلدىڭ قاڭتار-ماۋسىمىندا اليانس بانكتىڭ اكتيۆتەرى 596 ملرد تەڭگەنى، جەكە كاپيتالى – «مينۋس» 488 ملرد تەڭگەنى قۇرادى. اتالعان كەزەڭدە بانكتىڭ تاراتىلماعان شىعىنى 6455,3 ملرد تەڭگەنى قۇرادى. 2009 جىلدىڭ 2 اقپانىندا مەملەكەت «سامۇرىق-قازىنا» ۇاق ارقىلى «سەيمار اليانس» قارجى كورپوراتسياسىنان بانكتىڭ  76% قاراپايىم اكتسيالارىن پاكەتى ءۇشىن 100 تەڭگەگە ساتىپ الاتىنىن جاريا ەتتى. بۇعان ايىرباس رەتىندە قور بانككە 24 ملرد تەڭگە قارجىلاي كومەك كورسەتىلۋى ءتيىس. قر بقا ۇاق-عا بانكتىڭ اكتسيالارىن ساتىپ الۋعا 2009 جىلدىڭ 3 ماۋسىمىندا رۇقسات بەردى. اكتسيانى ساتىپ الۋ تۋرالى كەلىسىمشارت ءالى كۇنگە دەيىن جۇزەگە اسىرىلعان جوق. «سامۇرىق-قازىنا» اليانس بانكتىڭ كاپيتالىنا كىرۋ پروتسەسىن 2009 جىلدىڭ سوڭىندا اياقتاۋدى جوسپارلاپ وتىر. 13 ساۋىردە «اليانس بانك»  سىرتقى زايمدارىن قايتا قۇرىلىمدايتىنى جانە 2009 جىلدىڭ 19 ناۋرىزىندا جانە 10 ساۋىرىندە وتەلۋى ءتيىس مىندەتتەمەلەرى بويىنشا دەفولتقا جول بەرگەنىن مالىمدەدى. 8 شىلدەدە بانك ءوزىنىڭ سىرتقى قارىزىن قايتا قۇرىلىمداۋ بويىنشا كرەديتورلارمەن ۇستانىمدى ۋاعدالاستىققا قول جەتكىزگەنىن حابارلادى.