بۇل كومپانيا گەس-ءتى قۇرىلىسى بىتكەننەن كەيىن باسقاراتىن بولادى. كومپانيانىڭ 34 پايىزى قىرعىزستانعا تيەسىلى بولسا، قازاقستان مەن وزبەكستانعا 33 پايىزدان بولىنبەك.
"كومپانيا قىرعىزستاندا تىركەلەدى جانە ءبارى ءبىزدىڭ قولدا بولادى", - دەدى جاقىپوۆ.
6 قاڭتاردا بىشكەكتە قىرعىزستان، قازاقستان جانە وزبەكستان ەنەرگەتيكا مينيسترلەرىنىڭ كەزدەسۋى ءوتىپ، "قامبار اتا-1" گەس-ءىن قۇرۋدىڭ جول كارتاسىن ماقۇلداسقان.
قىرعىز پرەزيدەنتى سادىر جاپاروۆ بۇل جوبانىڭ تەحنيكالىق-ەكونوميكالىق نەگىزدەمەسى ءۇشىن بيۋدجەتتەن 412,8 ملن سوم بولىنگەنىن، كەيىن قوسىمشا 1,5 ملرد سوم ءبولۋ ماسەلەسى شەشىلگەنىن ايتقان.
گەس قۇرىلىسى 2024 جىلى باستالىپ، ءبىرىنشى اگرەگاتىن 2028 جىلى اياقتاۋ جوسپارلانعان.
Abai.kz
